1 JA̰A̰ 5:16 - Bibəl ta Sar̄

¹⁶ Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

Bible sar

¹⁶ Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

1 JA̰A̰ 5:16 Referans Kwoze

JEREMI 11:14

Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

1 SAMUEL 2:25

Ré i deē n rāā majaĺ kə deē madə̄neé anī Nə́ɓā a ra danaá yā mā̰ȳdə́ naā tə́. Ba ré deē rāā majaĺ i kə Kɔ́ɔ̄ɓēé anī, i náā n asə ra danaá yā mā̰ȳ ní? Banī najə̄ ń bɔbə̄də́ ədadə́ ní usədə́ alé. Tɔdɔ̄ Kɔ́ɔ̄ɓē ndigə kadə̄ oyn̄.

Najə̄ kə́ Majə yā Jeju ń Luk ndang ní 12:10

Deē ń a əda najə̄ dɔ Ngōn̄ Deē tə́ ní a māȳn̄ rɔ̄də́ dɔn tə́. Ba deē ń tájə̄ Ndíĺ kə́ Táĺ ní a māȳn̄ rɔ̄də́ dɔn tə́ alé.

JEREMI 14:11

Kɔ́ɔ̄ɓē ədam̄ na: Ī-lōō kə ndɔ̄ȳ tām̄ yā gír de gə̄ ń toō tə́, ī-lōō ndə̄ngā kadə̄ ndin̄ majə.

JEREMI 7:16

Ḭ̄ ī-lōō ndɔ̄ȳ tām̄ yā gír de gə̄ ń toō tə́. Ī-lōō nōō rɔ̄í ō, rāā ɓɔ́ ō tām̄ yādə́ tə́. Ī-lōō to dan kɔr̄ najə̄ seḿ tə́ tām̄ yādə́ tə́. Tɔdɔ̄ m-ā m-ōō ndūí alé.

TƏ́DA 15:30

Banī deē ń rāā yá̰á̰ kə́ majaĺ kə gō kem ndigə yānneé ní, ká i ngōn̄ nge ɓē, aké i tə̄rā gə̄gē anī, ni kídə̄ i Kɔ́ɔ̄ɓē adə̄ a ɔr̄nən̄ kɔ̄ɔ́ dan gír deē yān gə̄ tə́.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

TA KƏLA 20:17

Kɔ́ɔ̄ɓē rāā adə̄ dəyá̰ kə́ kem ndogə̄ yā Abimelek tə́ gə̄ malang ojən̄ ngán gə̄ to̰ alé najə̄ yā Sara nə̄yá̰ Abəraham tə́. Banī Abəraham ndɔ̄ȳ Nə́ɓā, adə̄ Nə́ɓā adə̄ rɔ̄ Abimelek ngáā ō, rɔ̄ nə̄yá̰n ngáā ō, rɔ̄ ngé kəla yān kə́ dəyá̰ gə̄ ngáā ō, adə̄ nin̄ tél ojən̄ ngán gə̄ gogə́.

TA KƏLA 20:7

Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

JA̰A̰ 17:9

m̄-ndɔ̄yī tām̄ yādə́ tə́. m̄-ndɔ̄ȳ i tām̄ yā de kə́ dɔ nang tə́ gə̄ tə́ alé, banī i tām̄ yā ngé gə̄ ń ḭ̄ adə̄m̄ sedə́ ní tə́, tɔdɔ̄ nin̄ i yāí gə̄.

EJEKIEL 22:30

m̄-sāā deē kógə̄ḿ dandə́ tə́ kə́ əndā ndogə̄ mbal̄ yā rɔ̄ɔń dɔ rɔ̄n tə́, kə́ ra ta kumḿ tə́ a ngɔ̄məń ndogə̄ mbal̄ tām̄ majə yā ɓē tə́, tá kadə̄ m̄-nujəń ɓē alé. Banī m-ə́nge deē kógə̄ḿ alé.

TƏ́DA 12:13

Tā anī Moijə rāā Kɔ́ɔ̄ɓē ɓɔ́ əda na: Nə́ɓā, m̄-rāāī ɓɔ́, ájən.

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

1 JA̰A̰ 5:17

Yá̰á̰ kə́ gō tə́ aĺ gə̄ malang i majaĺ, ba i majaĺ malang n a əla deē ta yo tə́ ní alé.