1 JA̰A̰ 5:10 - Bibəl ta Sar̄

¹⁰ Deē ń taā kem Ngōn̄ Nə́ɓā anī, najə̄ kə́ kum tə́ ngeé ń toō i kemən tə́. Ba deē ń taā kem Nə́ɓā aĺ ní, rāā Nə́ɓā i nge sor̄ tə́. Tɔdɔ̄ ni-taā kem najə̄ kə́ kum tə́ ń Nə́ɓā əda dɔ Ngōnən tə́ ní alé.

Bible sar

¹⁰ Deē ń taā kem Ngōn̄ Nə́ɓā anī, najə̄ kə́ kum tə́ ngeé ń toō i kemən tə́. Ba deē ń taā kem Nə́ɓā aĺ ní, rāā Nə́ɓā i nge sor̄ tə́. Tɔdɔ̄ ni-taā kem najə̄ kə́ kum tə́ ń Nə́ɓā əda dɔ Ngōnən tə́ ní alé.

1 JA̰A̰ 5:10 Referans Kwoze

Makətūbə̄ ń Pol ndang adə̄ Rom gə̄ ní 8:16

Ndíĺ Nə́ɓā əda ndíĺjí wáńg na jḭḭ̄ i ngáń Nə́ɓā.

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

JA̰A̰ 3:33

Deē ń ndigə koō najə̄ kə́ kum tə́ yān ní, kɔ́ɔ̄ a ndigə i gōn tə́ kadə̄ Nə́ɓā i nge kəda najə̄ kə́ rɔ̄kum.

JA̰A̰ 5:38

najə̄ yān ndi kemsí tə́ aĺ ō, tɔdɔ̄ ī-taāī kem nge ń ni-əlan ní alé.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

1 JA̰A̰ 1:10

Ré j-ədaī na jə-rāāī majaĺ aĺ anī, j-ɔsiī i Nə́ɓā sor̄, adə̄ najə̄ yān gətóo kemjí tə́.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

Gōsə̄ najə̄ gə̄ 3:32

Tɔdɔ̄ deē ń hálən i kə́ nujə kɔ̄ɔ́ ní i de kə́ yḛr ta kum Kɔ́ɔ̄ɓē tə́, ba Kɔ́ɔ̄ɓē ɔjə de kə́ súmūú kemən tɔdɔ̄ ni-ənī kemən adə̄n mámák.

JEJU TEĒ KUM JA̰A̰ 12:17

Ba dā̰ kə́ to ɓōĺ ngá̰ý ní rāā wōn̄g kə dəyá̰ ní, adə̄ aw̄ rɔ̄ɔ̄ gotə ngán kaan gə̄ ń na̰yn̄ ní. Nin̄ i ngé gə̄ ń rāān̄ gō míndə gə̄ yā Nə́ɓā ní ō, ngé gə̄ ń ngɔ̄mə̄n̄ najə̄ kə́ kum tə́ yā Jeju ní ō.

JEJU TEĒ KUM JA̰A̰ 2:28

Tītə̄ ń bɔbə́ḿ adə̄m̄neé tɔ́gə́ ní, mā m-ā m-ādə̄ deē ní dɔgə́ loo tīī ō.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

Makətūbə̄ yā Job 24:25

Yá̰á̰ ń m-ə́dá ní i yá̰á̰ kə́ rɔ̄kum! I náā n asə kɔjə kadə̄ najə̄ kɔrə̄ḿ i najə̄ kə́ kanjə̄ kumən ní?

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

JA̰A̰ 3:18

Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

GALATƏ 4:1

Adə̄ dan ń nge kənge yá̰a̰ ndəbā na̰y ngōn̄ ɓáý ní, ni i kɔ́ɔ̄ yá̰a̰ gə̄ ɓá tā, ba ni i tītə̄ ɓəlo beé,

KƏLA RĀĀ 8:37

Pilipə ədan na: Ré ī-taā kem mámák anī ásə kadə̄ m̄-rāāī batém. Anī de kə́ bo ní tūr̄ ədan na: m̄-taā kem kadə̄ Jeju Kərist i Ngōn̄ Nə́ɓā.