1 JA̰A̰ 5:1 - Bibəl ta Sar̄

¹ Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

Bible sar

¹ Náā nəkɔ́ ń taā kem kadə̄ Jeju i *Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

1 JA̰A̰ 5:1 Referans Kwoze

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

1 JA̰A̰ 4:7

Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

1 JA̰A̰ 2:10

Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

JA̰A̰ 15:23

Deē ń imə̄m̄ ní, im̄ i Bɔbə́ḿ.

1 JA̰A̰ 4:2

Yá̰á̰ ń ā ī-gerīneé Ndíĺ Nə́ɓā ní n toó: Ndíĺ ń əda na Jeju Kərist na reē i kə́ deē tə́ ní, ḭḭ i rɔ̄ Nə́ɓā tə́.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

JA̰A̰ 1:3

Yá̰a̰ malang i kə́ rāā kə ta kūl̄ Najə̄ ní, adə̄ yá̰á̰ kógə̄ḿ kə́ teē kanjə̄n ni gətóo.

1 JA̰A̰ 5:5

I náā n tetə de kə́ dɔ nang tə́ laā gə̄ rɔ̄ɔ̄ ní? I deē ń taā kem kadə̄ Jeju i Ngōn̄ Nə́ɓā ní aĺ a?

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

Najə̄ kə́ Majə yā Jeju ń Luk ndang ní 7:5

tɔdɔ̄ o̰o̰n tɔdɔ̄ nápar deē yājí gə̄ ō, rāā kújə́ kán̄ naā adə̄jí ō.

KƏLA RĀĀ 8:37

Pilipə ədan na: Ré ī-taā kem mámák anī ásə kadə̄ m̄-rāāī batém. Anī de kə́ bo ní tūr̄ ədan na: m̄-taā kem kadə̄ Jeju Kərist i Ngōn̄ Nə́ɓā.