1 JA̰A̰ 4:7 - Bibəl ta Sar̄

⁷ Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

Bible sar

⁷ Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

1 JA̰A̰ 4:7 Referans Kwoze

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

1 JA̰A̰ 4:8

Deē ń tár i kemən tə́ aĺ ní, ger̄ Nə́ɓā alé, tɔdɔ̄ Nə́ɓā i tár.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

1 JA̰A̰ 2:10

Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.

1 JA̰A̰ 2:4

Deē ń əda na n-gerə̄n, banī rāā yá̰a̰ kə gō míndəneé aĺ ní, i de kə́ nge sor̄, adə̄ najə̄ kə́ rɔ̄kum gətóo kemən tə́.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

1 JA̰A̰ 4:11

Kó tár yāḿ gə̄, ré Nə́ɓā táŕjí tītə̄ ń noō anī, i gáŕ kadə̄ jə-táriī naā ō.

1 JA̰A̰ 4:16

Jḭḭ̄, jə-gerī tár yā Nə́ɓā kə́ tām̄ yājí tə́ ō, jə-taāī kem táŕ ní ō. Nə́ɓā i tár, adə̄ deē ń tár i kemən tə́ ní, ndi i kem Nə́ɓā tə́ ō, Nə́ɓā ndi kemən tə́ ō.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

2 JA̰A̰ 1:5

Ba ń toō ɓáa Dəyá̰, yá̰á̰ ń m̄-dəjeī kadə̄ ī-rāā ní n toó: Ādə̄ jə-táriī naā. Nge ń noō i gō míndə kə́ kijə n m̄-ndang m-ādī ní alé. Banī i yá̰á̰ kə́ kəda yā rāā kə́ ta kəla gíŕ tə́.