1 JA̰A̰ 4:4 - Bibəl ta Sar̄

⁴ Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

Bible sar

⁴ Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī *ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

1 JA̰A̰ 4:4 Referans Kwoze

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

1 JA̰A̰ 4:16

Jḭḭ̄, jə-gerī tár yā Nə́ɓā kə́ tām̄ yājí tə́ ō, jə-taāī kem táŕ ní ō. Nə́ɓā i tár, adə̄ deē ń tár i kemən tə́ ní, ndi i kem Nə́ɓā tə́ ō, Nə́ɓā ndi kemən tə́ ō.

1 KORḚNTƏ 2:12

Banī jḭḭ̄ j-əngeī i ndíĺ kə́ dɔ nang tə́ laā alé, ba i Ndíĺ kə́ ḭḭ rɔ̄ Nə́ɓā tə́, yā kadə̄ jə-gerīneé yá̰á̰ gə̄ ń Nə́ɓā adə̄jí kə gō kem ndaa yānneé ní.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

1 JA̰A̰ 4:13

I tām̄ kadə̄ ń ni-adə̄jí Ndílən ní n jə-gerīneé kadə̄ jḭḭ̄ i kemən tə́ ō, ni i kemjí tə́ ō ní.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

EPEJƏ 3:17

Ba kadə̄ Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

1 JA̰A̰ 3:24

Ba deē ń rāā yá̰a̰ gə̄ ń Nə́ɓā əda kə gō míndən ní, kɔ́ɔ̄ ndi kem Nə́ɓā tə́ ō, Nə́ɓā ndi kem kɔ́ɔ̄ tə́ ō. Ba yá̰á̰ ń jə-gerīneé kadə̄ ni-ndi kemjí tə́ ní, i Ndíĺ kə́ Táĺ ń ni-adə̄jí ní.

JA̰A̰ 12:31

I ngɔlaā ń toō n a gāngə̄n̄ sarya yā de kə́ dɔ nang tə́ laā gə̄ ní. I ngɔlaā ń toō n a ənīn̄ ngār yā de kə́ dɔ nang tə́ laā gə̄ ndágá kɔ̄ɔ́ ní.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

1 JA̰A̰ 4:6

Jḭḭ̄ i yā Nə́ɓā. Deē ń ger̄ Nə́ɓā ní, a oō yājí. Deē ń i yā Nə́ɓā aĺ ní, a oōjí alé. J-a jə-gerī Ndíl najə̄ kə́ rɔ̄kum ō, ndíĺ kə́ nge ndúm̄ kə deé ō i tītə̄ ń noō.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

1 JA̰A̰ 2:13

m̄-ndang makətūbə̄ m-ādə̄sí sḭḭ̄ bɔbə̄ ngán gə̄, yā kədańsí na sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní kɔ̄ɔ́.

1 KORḚNTƏ 6:13

Sḭḭ̄ ə́daī ɓáý to̰ na yá̰a̰ kəsa i tām̄ yā kem deē tə́ ō, kem deē i tām̄ yā yá̰a̰ kəsa tə́ ō. I rɔ̄kum, ba Nə́ɓā a nujə kemií ō, yá̰a̰ kəsa ní ō. Ba rɔ̄jí i yā kadə̄ jə-sāāīneé naā loo kaya tə́ alé. Rɔ̄jí i tām̄ yā Kɔ́ɔ̄ɓē tə́ ō, Kɔ́ɔ̄ɓē i tām̄ yā rɔ̄jí tə́ ō.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

JA̰A̰ 16:11

Kə́ ɔjə dɔ sarya ɓáa, i tām̄ gāngə̄n̄ sarya dɔ ngār kə́ dɔ nang ń toō tə́ kɔ̄ɔ́.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.