1 JA̰A̰ 4:21 - Bibəl ta Sar̄

²¹ Adə̄ gō míndə Kərist ń adə̄jí ní n toó: Deē ń táŕ Nə́ɓā ní, majə kadə̄ tár ngōkó̰o̰n ō.

Bible sar

²¹ Adə̄ gō míndə Kərist ń adə̄jí ní n toó: Deē ń táŕ Nə́ɓā ní, majə kadə̄ tár ngōkó̰o̰n ō.

1 JA̰A̰ 4:21 Referans Kwoze

LEBI GƏ̄ 19:18

Ə̄ndā ba̰ā̰ aĺ ō, ə́hɔ́ ngáń nge ɓē madí gə̄ kemií tə́ aĺ ō. Ī-tár madí tītə̄ rɔ̄í īkɔ́. Mā i Kɔ́ɔ̄ɓē.

1 JA̰A̰ 3:11

Tɔdɔ̄ najə̄ ń ōōī ta kəla gíŕ tə́ ní n toó: I kadə̄ jə-táriī naā.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

GALATƏ 5:14

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

JA̰A̰ 15:12

Gō míndə́ḿ n toó: I kadə̄ ī-táriī naā tītə̄ ń m̄-tárəńsí ní.

1 JA̰A̰ 3:23

Ba yá̰á̰ ń ni-əda kə gō míndən ní n toó: I kadə̄ jə-taāī kem Ngōnən Jeju Kərist ō, jə-táriī naā ō, tītə̄ ń ədań ní.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

Najə̄ kə́ Majə yā Jeju ń Luk ndang ní 10:37

Nge ndóō de gə̄ ndū najə̄ gə̄ ní tél əda Jeju na: I nge ń rāā kem majə seneé noō n i madə̄n ní. Anī Jeju ədan na: Āw̄ ba ī-rāā tītə̄ ń noō ō.

1 JA̰A̰ 4:11

Kó tár yāḿ gə̄, ré Nə́ɓā táŕjí tītə̄ ń noō anī, i gáŕ kadə̄ jə-táriī naā ō.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

1 JA̰A̰ 3:18

Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.

MATIYE 5:43

Ōōī kadə̄ ədan̄ na kə deē kə tár madə̄n ba kə im̄ madə̄ ba̰ā̰n.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.