1 JA̰A̰ 4:17 - Bibəl ta Sar̄

¹⁷ Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.

Bible sar

¹⁷ Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju *Kərist beé dɔ nang tə́ laā.

1 JA̰A̰ 4:17 Referans Kwoze

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

1 JA̰A̰ 2:5

Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

1 JA̰A̰ 3:1

Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

JAKƏ 2:22

Á̰a̰ kadə̄ taā kem yān rāā kəla naā tə́ kə kəla yān gēé ō, kadə̄ taā kem yān reē majə ɔtə̄ kə taá mámák i kə ta kūl̄ kəla yān gēé ō,

MATIYE 12:36

Ādə̄ m-ə́dásí najə̄ kə́ bo ngá̰ý, ndɔ̄ gān̄g sarya tə́ anī de gə̄ a ɔrə̄n̄ gír najə̄ kə́ kanjə̄ kumən gə̄ malang ń nin̄-tə́dan̄ ní.

MATIYE 11:24

Ní, ādə̄ m-ə́dásí, ndɔ̄ sarya tə́ anī, yā gō nang kə́ Sodom a to só tə́ ngá̰ý tɔȳ yāsí.

MATIYE 11:22

Ní, ādə̄ m-ə́dásí, ndɔ̄ sarya tə́ anī, yā ɓē kə́ Tir ō, Sidon ō, a to só tə́ ngá̰ý tɔȳ yāsí sḭḭ̄.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

JA̰A̰ 17:22

M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

1 JA̰A̰ 2:6

Deē ń əda na n-ndi na i kemən tə́ ní, majə kadə̄ kɔ́ɔ̄ njə̄rā tītə̄ ń Jeju nəkɔ́ njə̄rań ní.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.