1 JA̰A̰ 3:8 - Bibəl ta Sar̄

⁸ De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

Bible sar

⁸ De kə́ nge rāā majaĺ i deē yā *diabəl, tɔdɔ̄ *diabəl rāā majaĺ i ta kəla gíŕ tə́ beē.

1 JA̰A̰ 3:8 Referans Kwoze

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

KOLOSƏ 2:15

Nə́ɓā taā tɔ́gə kɔ̄ɔ́ jī ngé ko̰o̰ ɓē gə̄ tə́ ō, jī ngé tɔ́gə gə̄ tə́ ō, i tītə̄ ń noō. Ngōnən ń tetədə́ rɔ̄ɔ̄ ní, ni-aw̄ sedə́ adə̄ njə̄rān̄ gōn tə́ tītə̄ ɓəlo gə̄, adə̄ de gə̄ malang a̰a̰n̄də́.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

JA̰A̰ 16:11

Kə́ ɔjə dɔ sarya ɓáa, i tām̄ gāngə̄n̄ sarya dɔ ngār kə́ dɔ nang ń toō tə́ kɔ̄ɔ́.

JA̰A̰ 12:31

I ngɔlaā ń toō n a gāngə̄n̄ sarya yā de kə́ dɔ nang tə́ laā gə̄ ní. I ngɔlaā ń toō n a ənīn̄ ngār yā de kə́ dɔ nang tə́ laā gə̄ ndágá kɔ̄ɔ́ ní.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

MARK 1:24

Jeju kə́ Najaret, yāí i rí sejí? Ī-reē i nujəjí tə́ a? m̄-ger̄ majə kadə̄ ḭ̄ i nge kə́ táĺ yā Nə́ɓā.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

Najə̄ kə́ Majə yā Jeju ń Luk ndang ní 10:18

Anī Jeju tél ədadə́ na: M-á̰a̰ Sətan ḭḭ dɔ rā̰ tə́ əsō tītə̄ man̄ kə́ tel̄ beé.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.

MATIYE 13:38

Ndɔr̄ ní i de kə́ dɔ nang tə́ gə̄ malang. Kum kōō kə́ majə ní i de kə́ kem Ɓē ko̰o̰ tə́ gə̄. Bar̄ ní, i de gə̄ yā ndíĺ kə́ nge ngól̄ loo gə̄.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

Makətūbə̄ ń Jud ndang ní 1:6

Ādə̄ əgā kemsí dɔ tə́ na de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

MATIYE 12:28

Ba ré m̄-tə̄ɓā ndíĺ kə́ majaĺ gə̄ i kə ta kūl̄ Ndíĺ yā Nə́ɓā anī, i Ɓē ko̰o̰ yā Nə́ɓā n-reē ugə̄ rɔ̄sí tə́ ɓá kɔ̄ɔ́ noō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

1 JA̰A̰ 1:2

Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

TƏ́DA 21:9

Moijə rāā lī gində̄ ní əla ta kāgə̄ kə́ ngāl̄ tə́. Anī de gə̄ malang ń lī do̰o̰də́ ba unən̄ kumdə́ kə̄ dɔɔ́ a̰a̰nə̄ń lī gində̄ ní, kɔ́ɔ̄ gə̄ ajən̄.