1 JA̰A̰ 3:6 - Bibəl ta Sar̄

⁶ Náā nəkɔ́ ń ndi kemən tə́ ní, a rāā majaĺ alé. Banī náā nəkɔ́ ń rāā majaĺ ní, i de kə́ a̰a̰ Jeju aĺ ō, gerə̄n aĺ ō.

Bible sar

⁶ Náā nəkɔ́ ń ndi kemən tə́ ní, a rāā majaĺ alé. Banī náā nəkɔ́ ń rāā majaĺ ní, i de kə́ a̰a̰ Jeju aĺ ō, gerə̄n aĺ ō.

1 JA̰A̰ 3:6 Referans Kwoze

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

1 JA̰A̰ 2:4

Deē ń əda na n-gerə̄n, banī rāā yá̰a̰ kə gō míndəneé aĺ ní, i de kə́ nge sor̄, adə̄ najə̄ kə́ rɔ̄kum gətóo kemən tə́.

1 JA̰A̰ 4:8

Deē ń tár i kemən tə́ aĺ ní, ger̄ Nə́ɓā alé, tɔdɔ̄ Nə́ɓā i tár.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.