1 JA̰A̰ 3:5 - Bibəl ta Sar̄

⁵ Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

Bible sar

⁵ Ī-gerī kadə̄ Jeju *Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

1 JA̰A̰ 3:5 Referans Kwoze

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

1 JA̰A̰ 1:2

Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

JA̰A̰ 8:46

I náā kə́ dansí tə́ n asə kɔjəm̄ dɔ majaĺ kə́ m̄-rāā ní? Ré m-ə́dásí najə̄ kə́ rɔ̄kum anī, i tām̄ rí tə́ á ī-taāī kemḿ aĺ ní?

JA̰A̰ 1:31

Kété mā m̄-gerə̄n alé, banī m̄-reē rāā de gə̄ batém tə́ i yā kadə̄ ngáń Israel gə̄ ger̄nən̄neé.

Najə̄ kə́ Majə yā Jeju ń Luk ndang ní 23:47

Loo ń ngol áskar gə̄ a̰a̰ yá̰a̰ gə̄ ń toō beé ní, a ɔsə gɔn Nə́ɓā, əda na: Rɔ̄kum, deē ń toō i de kə́ súmūú!

Najə̄ kə́ Majə yā Jeju ń Luk ndang ní 23:41

Yājí jḭ̄ i gō tə́, tɔdɔ̄ rāān̄jí i yá̰á̰ kə́ asə gotə yājí gə̄ ń jə-rāā tə́ ní. Ba ni, ni-rāā yá̰á̰ kógə̄ḿ kə́ majaĺ sḛ́ý aĺ bátə́.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.