1 JA̰A̰ 3:21 - Bibəl ta Sar̄

²¹ Kó tár yāḿ gə̄, ré kemjí əhɔjí kə najá aĺ anī, j-a jə-sōlī yá̰á̰ kógə̄ḿ ta kum Nə́ɓā tə́ alé.

Bible sar

²¹ Kó tár yāḿ gə̄, ré kemjí əhɔjí kə najá aĺ anī, j-a jə-sōlī yá̰á̰ kógə̄ḿ ta kum Nə́ɓā tə́ alé.

1 JA̰A̰ 3:21 Referans Kwoze

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

1 JA̰A̰ 5:14

Jə-ndiī kanjə̄ sōl̄ yá̰á̰ kógə̄ḿ ta kum Nə́ɓā tə́. Tɔdɔ̄ ré jə-dəjeniī yá̰á̰ kə́rēý kə gō kem ndigə yānneé anī, ni-oōjí.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

Makətūbə̄ yā Job 22:26

Tɔdɔ̄ i loo ń noō tə́ n ā ī-rāā Nə́ɓā kə́ tɔ́gən i ngá̰ý rɔ̄nel̄ yāí kə́ al̄ naā tə́ ní ō, ā ɔ̄r̄ dɔí dɔɔ́ yā ka̰a̰ loo kum kə̄ rɔ̄ Nə́ɓā tə́ ō ní.

1 KORḚNTƏ 4:4

Ká ré m̄-ger̄ kadə̄ najə̄ gətóo dɔḿ tə́ gə̄gē anī, m̄-tél de kə́ gōtə́ i tām̄ nge ń noō tə́ alé. Tɔdɔ̄ nge gān̄g sarya dɔḿ tə́ i Kɔ́ɔ̄ɓē.

Makətūbə̄ yā Job 27:6

m̄-ra ngan̄g dɔ yá̰á̰ kə́ gōtə́ yāḿ tə́, m-ā mə́ya̰ alé! Kemḿ rāām̄ najə̄ yá̰á̰ kógə̄ḿ kə́ gōtə́ aĺ kə́ m̄-rāā tə́ alé.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

Makətūbə̄ ń Pol ndang adə̄ Rom gə̄ ní 14:22

Kə́ ɔjəń dɔ najə̄ ń toō ɓáa, ī-ngɔ̄m̄ yá̰á̰ ń ḭ̄ ī-taā kem ní tām̄ yāí īkɔ́ tə́ ta kum Nə́ɓā tə́. Rɔ̄nel̄ i kə deē ń kum mbang rāā yá̰a̰ tə́ anī kemən gān̄g sarya dɔ rɔ̄n tə́ aĺ ní.

EPEJƏ 3:12

Kə ta kūl̄ ɓoojí naā kə Kərist ō, taā kə́ jə-taāī kemən ō ní, j-əngeī ta róbə kənī kemjí kaw̄ń rɔ̄ Nə́ɓā tə́.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.