1 JA̰A̰ 3:19 - Bibəl ta Sar̄

¹⁹ I loo ń noō tə́ n j-a jə-gerī kadə̄ jḭḭ̄ i yā najə̄ kə́ rɔ̄kum ō, kemjí a tetə kə̄ nang tə́ kə̄ no Nə́ɓā tə́ ō ní.

Bible sar

¹⁹ I loo ń noō tə́ n j-a jə-gerī kadə̄ jḭḭ̄ i yā najə̄ kə́ rɔ̄kum ō, kemjí a tetə kə̄ nang tə́ kə̄ no Nə́ɓā tə́ ō ní.

1 JA̰A̰ 3:19 Referans Kwoze

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

1 JA̰A̰ 3:21

Kó tár yāḿ gə̄, ré kemjí əhɔjí kə najá aĺ anī, j-a jə-sōlī yá̰á̰ kógə̄ḿ ta kum Nə́ɓā tə́ alé.

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

1 JA̰A̰ 1:8

Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

Makətūbə̄ ń Pol ndang adə̄ Rom gə̄ ní 4:21

Ni ger̄ mámák kadə̄ yá̰á̰ ń Nə́ɓā ənī míndən yā rāā ní, Nə́ɓā i kə tɔ́gə yā rāā.

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

Makətūbə̄ ń Pol ndang adə̄ Rom gə̄ ní 8:38

Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,

1 JA̰A̰ 2:21

Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.

PĀ GƏ̄ 119:56

Yá̰a̰ kəngeḿ ī-rāā yá̰a̰ gə̄ ń ī-ra kə de gēé kadə̄ rāān̄ ní.