1 JA̰A̰ 3:18 - Bibəl ta Sar̄

¹⁸ Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.

Bible sar

¹⁸ Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.

1 JA̰A̰ 3:18 Referans Kwoze

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

EPEJƏ 4:15

Banī j-a j-ədaī najə̄ kə́ rɔ̄kum kə tárá, adə̄ j-a jə-tɔgiī tū yá̰a̰ gə̄ tə́ malang kum kə̄ rɔ̄ nge ń ni i dɔm dɔ ní tə́, adə̄ i kum kə̄ rɔ̄ Kərist tə́.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

2 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

Teē Ngán Israel gə̄ 33:21

Kɔ́ɔ̄ɓē ədan na kə a̰a̰ loo ń na to kadən tə́ ngɔr noó, kə al̄ kə ra loo ń noō tə́ dɔ mbal̄ tə́.

JA̰A̰ 17:19

M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

3 JA̰A̰ 1:1

I mā kum kɔɔ̄ n m̄-ndang makətūbə̄ ń toō m-ə́lań m-ādə̄ kó tár yāḿ Gayus ń m̄-tárən rɔ̄kum ní.

Najə̄ kə́ Majə yā Jeju ń Luk ndang ní 7:5

tɔdɔ̄ o̰o̰n tɔdɔ̄ nápar deē yājí gə̄ ō, rāā kújə́ kán̄ naā adə̄jí ō.