1 JA̰A̰ 3:14 - Bibəl ta Sar̄

¹⁴ Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

Bible sar

¹⁴ Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

1 JA̰A̰ 3:14 Referans Kwoze

1 JA̰A̰ 5:2

I dan ń jə-táriī Nə́ɓā ō, jə-rāāī yá̰a̰ i kə gō míndəneé ō ní n jə-gerī kadə̄ jə-táriī ngáń Nə́ɓā ní.

JA̰A̰ 13:35

Ré ī-táriī naā anī, i loo ń noō tə́ n de gə̄ malang a gerə̄n̄ kadə̄ sḭḭ̄ i ngé ndóō yá̰a̰ yāḿ gə̄ ní.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

JA̰A̰ 15:12

Gō míndə́ḿ n toó: I kadə̄ ī-táriī naā tītə̄ ń m̄-tárəńsí ní.

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

1 JA̰A̰ 3:23

Ba yá̰á̰ ń ni-əda kə gō míndən ní n toó: I kadə̄ jə-taāī kem Ngōnən Jeju Kərist ō, jə-táriī naā ō, tītə̄ ń ədań ní.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

KOLOSƏ 1:4

Tɔdɔ̄ j-oō kōō taā ń ī-taāī kem Jeju Kərist ní ō, táŕ ń ī-táriī de gə̄ yā Nə́ɓā malang ní ō.

EPEJƏ 1:15

I tām̄ najə̄ ń toō tə́ n, dan ń m-ōō na ī-taāī kem Kɔ́ɔ̄ɓē Jeju ō, na ī-táriī de gə̄ yā Nə́ɓā malang ō ní,

1 JA̰A̰ 5:13

m̄-ndang najə̄ gə̄ ń toō makətūbūú m-ādə̄sí sḭḭ̄ ń ī-taāī kem ngōn̄ Nə́ɓā ní, kadə̄ ī-gerīneé na sḭḭ̄ ə́ngeī ndi kə kumuú kə́ ngándáńg kɔ̄ɔ́.

JA̰A̰ 15:17

Adə̄ yá̰á̰ ń m-ə̄ndā dɔsí tə́ kadə̄ ī-rāāī ní i kadə̄ ī-táriī naā.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.

2 PIYER 1:7

ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

PĀ GƏ̄ 16:3

Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Gōsə̄ najə̄ gə̄ 21:16

Deē ń tɔ̄ɔ̄ kɔ̄ɔ́ dɔ róbə kum kedə̄ tə́ ní a aw̄ yā kɔr̄ koō dan de kə́ koy gə̄ ń kánə̄n̄ naā ɓádá tə́ ní.

Najə̄ kə́ Majə yā Jeju ń Luk ndang ní 7:5

tɔdɔ̄ o̰o̰n tɔdɔ̄ nápar deē yājí gə̄ ō, rāā kújə́ kán̄ naā adə̄jí ō.