1 JA̰A̰ 3:11 - Bibəl ta Sar̄

¹¹ Tɔdɔ̄ najə̄ ń ōōī ta kəla gíŕ tə́ ní n toó: I kadə̄ jə-táriī naā.

Bible sar

¹¹ Tɔdɔ̄ najə̄ ń ōōī ta kəla gíŕ tə́ ní n toó: I kadə̄ jə-táriī naā.

1 JA̰A̰ 3:11 Referans Kwoze

JA̰A̰ 15:12

Gō míndə́ḿ n toó: I kadə̄ ī-táriī naā tītə̄ ń m̄-tárəńsí ní.

2 JA̰A̰ 1:5

Ba ń toō ɓáa Dəyá̰, yá̰á̰ ń m̄-dəjeī kadə̄ ī-rāā ní n toó: Ādə̄ jə-táriī naā. Nge ń noō i gō míndə kə́ kijə n m̄-ndang m-ādī ní alé. Banī i yá̰á̰ kə́ kəda yā rāā kə́ ta kəla gíŕ tə́.

1 JA̰A̰ 4:7

Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

1 JA̰A̰ 4:21

Adə̄ gō míndə Kərist ń adə̄jí ní n toó: Deē ń táŕ Nə́ɓā ní, majə kadə̄ tár ngōkó̰o̰n ō.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

1 JA̰A̰ 1:5

Ba najə̄ ń j-oō tan tə́ ō, j-ədasí kadə̄ sḭḭ̄ ī-gerī ō ní n toó: Nə́ɓā i loo kə́ unjə̄ kow, ba loo kə́ risə til gətóo kemən tə́.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

JA̰A̰ 13:4

Ni-ḭḭ dɔɔ́ ta kəsa tə́, ɔr̄ kūbə̄ yān kə́ dɔ madə̄ tə́ kɔ̄ɔ́, ba un kūbə̄ kɔl̄ rɔ̄ kógə̄ḿ do̰ō̰ń ɓōdə̄n.

1 JA̰A̰ 4:11

Kó tár yāḿ gə̄, ré Nə́ɓā táŕjí tītə̄ ń noō anī, i gáŕ kadə̄ jə-táriī naā ō.