1 JA̰A̰ 3:1 - Bibəl ta Sar̄

¹ Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

Bible sar

¹ Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

1 JA̰A̰ 3:1 Referans Kwoze

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

Makətūbə̄ ń Pol ndang adə̄ Rom gə̄ ní 8:21

A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

PĀ GƏ̄ 31:19

Ngé sor̄ gə̄ ń a tájə̄n̄ de kə́ súmūú ō, a gángə̄n̄ rɔ̄də́ dɔn tə́ ō, a kídə̄nən̄ ō ní, ī-rāā ādə̄ tadə́ do̰ō̰ naā kɔ̄ɔ́!

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

Najə̄ kə́ Majə yā Jeju ń Luk ndang ní 20:36

tɔdɔ̄ nin̄ a oyn̄ alé, tām̄ nin̄-ton̄ tītə̄ de kə́ dɔ rā̰ tə́ gə̄ beé ō, nin̄ i ngáń Nə́ɓā gə̄ tām̄ nin̄ i de kə́ ngé ndól̄ bāá yo tə́ gə̄ ō.

JA̰A̰ 11:52

I tām̄ yā Jipə gə̄ tə́ ngóy alé, i tām̄ yā kánə̄ń nja ngáń Nə́ɓā gə̄ ń tḭ̄ḭ̄n̄ naā kə̄ loo gə̄ tə́ ní, kadə̄ télən̄ de kə́ kógə̄ḿ beē.

JA̰A̰ 15:21

Ba nin̄ a rāān̄sí yá̰a̰ gə̄ ń toō malang i najə̄ yāḿ mā tə́, tɔdɔ̄ nin̄-gerə̄n̄ nge ń əlam̄ ní alé.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.