1 JA̰A̰ 2:5 - Bibəl ta Sar̄

⁵ Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

Bible sar

⁵ Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

1 JA̰A̰ 2:5 Referans Kwoze

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Najə̄ kə́ Majə yā Jeju ń Luk ndang ní 11:28

Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

1 JA̰A̰ 3:24

Ba deē ń rāā yá̰a̰ gə̄ ń Nə́ɓā əda kə gō míndən ní, kɔ́ɔ̄ ndi kem Nə́ɓā tə́ ō, Nə́ɓā ndi kem kɔ́ɔ̄ tə́ ō. Ba yá̰á̰ ń jə-gerīneé kadə̄ ni-ndi kemjí tə́ ní, i Ndíĺ kə́ Táĺ ń ni-adə̄jí ní.

PĀ GƏ̄ 119:2

Ngé gə̄ ń rāān̄ yá̰a̰ gə̄ ń ni-əda ní rɔ̄də́ nel̄də́, nin̄ sāānən̄ i kə ngarā̰ kemdə́ malang.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

1 JA̰A̰ 5:2

I dan ń jə-táriī Nə́ɓā ō, jə-rāāī yá̰a̰ i kə gō míndəneé ō ní n jə-gerī kadə̄ jə-táriī ngáń Nə́ɓā ní.

JA̰A̰ 15:5

Mā i kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

1 JA̰A̰ 4:18

Ɓōĺ gətóo tū táŕ tə́, banī táŕ kə́ majə ɔtə̄ kə taá tə̄ɓā ɓōĺ ndágá kɔ̄ɔ́, tɔdɔ̄ ɓōĺ ɔjə kadə̄ ndéy a to noó. Deē ń ndi kə ɓōló ní táŕ kə́ kemən tə́ majə ɔtə̄ kə taá alé.

PĀ GƏ̄ 119:146

m̄-ɓāríī, ájəm̄, anī m-ā m̄-rāā yá̰a̰ gə̄ ń ə́dá ní.

2 KORḚNTƏ 5:17

Adə̄ ré deē kógə̄ḿ ɓoon̄ naā kə Kərist anī, ni i de kə́ kijə. Yá̰á̰ kə́ kété jóo mān̄ kɔ̄ɔ́, ba ngɔlaā yá̰á̰ ń to ní i yá̰á̰ kə́ kijə.

JEJU TEĒ KUM JA̰A̰ 12:17

Ba dā̰ kə́ to ɓōĺ ngá̰ý ní rāā wōn̄g kə dəyá̰ ní, adə̄ aw̄ rɔ̄ɔ̄ gotə ngán kaan gə̄ ń na̰yn̄ ní. Nin̄ i ngé gə̄ ń rāān̄ gō míndə gə̄ yā Nə́ɓā ní ō, ngé gə̄ ń ngɔ̄mə̄n̄ najə̄ kə́ kum tə́ yā Jeju ní ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

JAKƏ 2:22

Á̰a̰ kadə̄ taā kem yān rāā kəla naā tə́ kə kəla yān gēé ō, kadə̄ taā kem yān reē majə ɔtə̄ kə taá mámák i kə ta kūl̄ kəla yān gēé ō,

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

JA̰A̰ 6:56

Deē ń əsa dā̰ḿ ō, a̰ȳ mósə́ḿ ō ní, ni-ndi kemḿ tə́ ō, mā m̄-ndi kemən tə́ ō.

KOHELET 8:5

Gō míndə ń ni-əndā dɔ de gə̄ tə́ kadə̄ rāān̄ ní, deē ń rāā anī yá̰á̰ kə́ majaĺ a əsō dɔn tə́ alé. Ba nge kum kedə̄ ger̄ kemən tə́ majə kadə̄ kum mbang kə́rēý tə́ a Nə́ɓā a gān̄g sarya.

PĀ GƏ̄ 106:3

Rɔ̄nel̄ i kə ngé gə̄ ń ngɔ̄mə̄n̄ ndū najə̄ yā Nə́ɓā ní ō, kə ngé gə̄ ń rāān̄ yá̰a̰ kə́ gōtə́ kə kum mbang gə̄ malang ní ō.

Gōsə̄ najə̄ gə̄ 8:32

Ba ngɔlaā ní, ngánə́ḿ gə̄, ōōī najə̄ yāḿ. Ré úniī kɔjə̄ yāḿ ī-rāāīneé yá̰a̰ anī rɔ̄sí a nel̄sí!

PĀ GƏ̄ 119:4

Kɔ́ɔ̄ɓē, ḭ̄ ɔ́jə́ yá̰a̰ gə̄ ń ī-ra kə de gēé ta rāā ní kə̄ ndágá, kadə̄ ngɔ̄mə̄n̄ kə gōó majə.

Gōsə̄ najə̄ gə̄ 28:7

Ngōn̄ kə́ nge rāā yá̰á̰ ń ndū najə̄ yā Nə́ɓā əda ní i ngōn̄ kə́ ger̄ najə̄, banī ngōn̄ kə́ nge njə̄rā rɔ̄ ngé rāā haĺ gə̄ tə́ i ngōn̄ kə́ nge kəla rɔ̄sɔl̄ dɔ bɔbə̄n tə́.

PĀ GƏ̄ 105:45

yā kadə̄ nin̄-ngɔ̄mə̄n̄neé yá̰a̰ gə̄ ń ni ndang kadə̄ yā rāā ní ō, əndān̄neé kumdə́ gír ndū najə̄ yān gə̄ tə́ ō. Aleluya!

1 JA̰A̰ 4:17

Táŕ kə́ dɔ dáńjí tə́ majə ɔtə̄ kə taá i kə ta kūl̄ yá̰á̰ ń toō: Jḭḭ̄ jə-sōlī yá̰á̰ kógə̄ḿ alé tām̄ yā ndɔ̄ gān̄g sarya tə́, tɔdɔ̄ jə-toī i tītə̄ Jeju Kərist beé dɔ nang tə́ laā.

2 JA̰A̰ 1:6

Ba yá̰á̰ ń i táŕ ní i rāā gō míndə gə̄ ń Nə́ɓā əda kadə̄ yā rāā ní. Ba gō míndə ń Nə́ɓā əda kadə̄ yā rāā ní, i kadə̄ ī-táriī naā, tītə̄ ń ōōīneé ta kəla gíŕ tə́ ní.