1 JA̰A̰ 2:26 - Bibəl ta Sar̄

²⁶ m̄-ndang makətūbə̄ m-ādə̄sí dɔ yá̰a̰ gə̄ ń noō tə́ i tām̄ yā ngé gə̄ ń a sāān̄ rāāsí kadə̄ ī-ndúmī tə́ ní.

Bible sar

²⁶ m̄-ndang makətūbə̄ m-ādə̄sí dɔ yá̰a̰ gə̄ ń noō tə́ i tām̄ yā ngé gə̄ ń a sāān̄ rāāsí kadə̄ ī-ndúmī tə́ ní.

1 JA̰A̰ 2:26 Referans Kwoze

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

1 TIMOTE 4:1

Banī Ndíl əda wáńg na ta ngóy ndɔ̄ gə̄ tə́ anī, de kə́rēý gə̄ a əya̰n̄ taā kem kɔ̄ɔ́, yā kəhɔń gō ndíĺ kə́ ngé gól̄ de gə̄ ō, gō yá̰á̰ ndóō yā ndíĺ kə́ majaĺ gə̄ ō.

Gōsə̄ najə̄ gə̄ 12:26

De kə́ súmūú ɔjə madə̄n ta róbə́ kə́ majə, banī háĺ ngé kem ndul gə̄ tḭ̄ḭ̄ tadə́.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

EJEKIEL 13:10

Ngé koō ta gə̄ gólə̄n̄ gír deē yāḿ gə̄ ədan̄ na: Yá̰a̰ malang i kə́ njə̄rā majə, tá yá̰a̰ malang i kə́ a̰a̰ gō naā alé. Gír deē yāḿ gə̄ əndān̄ ndogə̄ mbal̄, banī nin̄ ɓáa nel̄də́ i rāā hō̰rō̰ dɔ tə́.