1 JA̰A̰ 2:25 - Bibəl ta Sar̄

²⁵ Ba míndən ń ənī adə̄jí ní, i kadə̄jí ndi kə kumuú kə́ ngándáńg.

Bible sar

²⁵ Ba míndən ń ənī adə̄jí ní, i kadə̄jí ndi kə kumuú kə́ ngándáńg.

1 JA̰A̰ 2:25 Referans Kwoze

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

TITƏ 3:7

Ni-əda kə̄ ndágá wáńg na najə̄ gətóo dɔjí tə́ i kə ta kūl̄ kem majə yān, i yā kadə̄ jə-téliīń ngé kənge ndi kə kumuú kə́ ngándáńg gə̄, adə̄ i ndi kə kumuú kə́ ngándáńg ń j-əndāī kemjí dɔ tə́ ní.

Makətūbə̄ ń Jud ndang ní 1:21

Sḭḭ̄ kɔ́ gə̄ ī-ngɔ̄mī rɔ̄sí. Ī-raī dɔ táŕ ń Nə́ɓā táŕsí tə́ ní ī-ngóōīneé ta ndi kə kumuú kə́ ngándáńg ń Kɔ́ɔ̄ɓē Jeju Kərist a adə̄sí kə ta kūl̄ kem majə yānneé ní.

1 TIMOTE 6:12

Ī-rɔ̄ɔ̄ rɔ̄ɔ̄ kə́ majə yā taā kem ō, ə́hɔ ndi kə kumuú kə́ ngándáńg ō. Tɔdɔ̄ ndɔ̄ ń ə́dań najə̄ taā kem yāí ta kum de kə́ ngá̰ý gə̄ tə́ ní, Nə́ɓā ɓāríī kadə̄ ī-ger̄ ndi kə kumuú kə́ ngándáńg ngeé ń toō.

1 JA̰A̰ 1:2

Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

JA̰A̰ 12:50

Tá m̄-ger̄ kadə̄ gō míndən i yá̰á̰ kə́ a rāā kadə̄ deē ndi kə kumneé ngándáńg: Najə̄ ń m-ə́dá ní, m-ə́da i tītə̄ ń Bɔbə́ḿ ədamə̄ń ní.

JA̰A̰ 6:68

Simo̰ Piyer tél ədan na: Kɔ́ɔ̄ɓē, j-aw̄ i kə̄ rɔ̄ náā tə́? Ḭ̄ āw̄ kə najə̄ gə̄ kə́ dɔ ndi kə kumuú kə́ ngándáńg tə́.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 TIMOTE 6:19

I tītə̄ ń noō n nin̄ a ɔsən̄neé dɔ yá̰a̰ kənge kə́ majə ō, kə́ rɔ̄kum ō, kə̄ naā tə́, tām̄ yā ndɔ̄ kə́ bírí tə́ ní, yā kadə̄ əngen̄neé ndi kə kumuú kə́ rɔ̄kum.

JA̰A̰ 6:54

Nge ń əsa dā̰ḿ ō, a̰ȳ mósə́ḿ ō ní, aw̄ kə ndi kə kumuú kə́ ngándáńg, ba mā m-ā m̄-ndólə̄n ta ngóy ndɔ̄ gə̄ tə́.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

Najə̄ kə́ Majə yā Jeju ń Luk ndang ní 18:30

kɔ́ɔ̄ a ənge mān̄ nin̄ ń noō nja ngá̰ý kem ndɔ̄ gə̄ ń toō tə́ ō, a ndi kə kumneé ngándáńg dɔ nang kə́ kijə kə́ ndɔ̄ń tə́ ō.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

JA̰A̰ 3:15

yā kadə̄ náā nəkɔ́ ń taā kemən ní, ndi kə kumneé ngándáńg kə kūl̄neé.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.