1 JA̰A̰ 2:24 - Bibəl ta Sar̄

²⁴ Najə̄ ń ōōī ta kəla gíŕ tə́ ní, ādī i kemsí tə́. Ré yá̰á̰ ń ōōī ta kəla gíŕ tə́ ní i kemsí tə́ anī, sḭḭ̄ ī-ndiī i kem Ngōn̄ tə́ ō, Bɔbə̄n tə́ ō.

Bible sar

²⁴ Najə̄ ń ōōī ta kəla gíŕ tə́ ní, ādī i kemsí tə́. Ré yá̰á̰ ń ōōī ta kəla gíŕ tə́ ní i kemsí tə́ anī, sḭḭ̄ ī-ndiī i kem Ngōn̄ tə́ ō, Bɔbə̄n tə́ ō.

1 JA̰A̰ 2:24 Referans Kwoze

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

1 JA̰A̰ 4:13

I tām̄ kadə̄ ń ni-adə̄jí Ndílən ní n jə-gerīneé kadə̄ jḭḭ̄ i kemən tə́ ō, ni i kemjí tə́ ō ní.

1 JA̰A̰ 4:16

Jḭḭ̄, jə-gerī tár yā Nə́ɓā kə́ tām̄ yājí tə́ ō, jə-taāī kem táŕ ní ō. Nə́ɓā i tár, adə̄ deē ń tár i kemən tə́ ní, ndi i kem Nə́ɓā tə́ ō, Nə́ɓā ndi kemən tə́ ō.

JEJU TEĒ KUM JA̰A̰ 3:3

Loo koō najə̄ ń ōō ō, loo taā ń ī-taā ō ní, ādə̄ əga kemií dɔ tə́. Ī-ngɔ̄m̄ najə̄ ní ba ī-tūr̄ hálí. Ré ī-ndi dɔ rɔ̄í tə́ aĺ anī, m-ā m̄-reē tītə̄ nge ɓogə beé, kanjə̄ kadə̄ ā ī-ger̄ kum mbang ń m-ā m̄-reē yā kəhɔīneé dɔ jīí tə́ ní.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

JA̰A̰ 15:7

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

JEJU TEĒ KUM JA̰A̰ 3:11

M-ā m̄-reē ngɔr. Yá̰á̰ ń āwń ní, ə́hɔ́ sásáp na sōgə́ deē kógə̄ḿ taā jākā mbang yāí kɔ̄ɔ́.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

PILIPƏ 4:15

Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

3 JA̰A̰ 1:3

Ngákó̰ó̰jí gə̄ ń reēn̄ ní ədan̄ na ḭ̄ na ī-ra dɔ najə̄ kə́ rɔ̄kum tə́ ō, na yá̰a̰ rāāí na i yá̰á̰ kə́ rɔ̄kum ō, adə̄ dan ń m-ōō ní nelə̄m̄ ngá̰ý.

2 JA̰A̰ 1:2

Tām̄ najə̄ kə́ rɔ̄kum ndi kemjí tə́ ō, a ndi sejí ngándáńg ō.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

JA̰A̰ 8:25

Anī nin̄-dəjenən̄ na ké ni i náā wa. Jeju tél ədadə́ na: Mā i nge ń m-ə́dásí najə̄ yān ta kəla gíŕ tə́ ní.

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

Gōsə̄ najə̄ gə̄ 23:23

Ī-sāā háĺ kə́ sew kadə̄ ə́nge ba ī-lōō kigəń ō, ī-rāā tītə̄ ń noō tām̄ yā kum kedə̄ tə́ ō, kɔjə̄ tə́ ō, ger̄ kum najə̄ tə́ ō.

Najə̄ kə́ Majə yā Jeju ń Luk ndang ní 9:44

Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.

JA̰A̰ 6:56

Deē ń əsa dā̰ḿ ō, a̰ȳ mósə́ḿ ō ní, ni-ndi kemḿ tə́ ō, mā m̄-ndi kemən tə́ ō.

1 JA̰A̰ 3:24

Ba deē ń rāā yá̰a̰ gə̄ ń Nə́ɓā əda kə gō míndən ní, kɔ́ɔ̄ ndi kem Nə́ɓā tə́ ō, Nə́ɓā ndi kem kɔ́ɔ̄ tə́ ō. Ba yá̰á̰ ń jə-gerīneé kadə̄ ni-ndi kemjí tə́ ní, i Ndíĺ kə́ Táĺ ń ni-adə̄jí ní.

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.

2 JA̰A̰ 1:9

Náā nəkɔ́ ń ra dɔ yá̰á̰ ndóō yā Kərist tə́ alé banī mān̄ dɔ tə́ kum kə̄ kété ní, Nə́ɓā i seneé alé. Deē ń ra dɔ yá̰á̰ ndóō yā Kərist tə́ ní, Bɔbə̄ Ngōn̄ i seneé ō, Ngōn̄ nəkɔ́ i seneé ō.