1 JA̰A̰ 2:23 - Bibəl ta Sar̄

²³ Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

Bible sar

²³ Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

1 JA̰A̰ 2:23 Referans Kwoze

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.

JA̰A̰ 8:19

Anī nin̄-ədanən̄ na: Bɔbí i rá? Anī Jeju tél ədadə́ na: Ī-ger̄mī aĺ ō, ī-gerī Bɔbə́ḿ aĺ ō. Ré ī-ger̄mī anī, ā ī-gerī Bɔbə́ḿ ō.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

1 JA̰A̰ 2:22

I náā n i de kə́ nge sor̄ ní? I deē ń nējə̄ əda na Jeju i Kərist aĺ ní aĺ a? Nge rɔ̄ɔ̄ Kərist i de kə́ tītə̄ ń noō. Ni-mbātə́ i Bɔbə̄ ō Ngōn̄ ō.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

1 JA̰A̰ 4:2

Yá̰á̰ ń ā ī-gerīneé Ndíĺ Nə́ɓā ní n toó: Ndíĺ ń əda na Jeju Kərist na reē i kə́ deē tə́ ní, ḭḭ i rɔ̄ Nə́ɓā tə́.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.