1 JA̰A̰ 2:21 - Bibəl ta Sar̄

²¹ Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

Bible sar

²¹ Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

1 JA̰A̰ 2:21 Referans Kwoze

2 PIYER 1:12

I tām̄ najə̄ ń toō tə́ n m-ā m̄-ter̄ kemsí kə ndɔ̄ gə̄ dɔ yá̰a̰ gə̄ ń toō tə́, ká ī-gerīdə́ kɔ̄ɔ́ ō, ī-raī ngan̄g dɔ najə̄ kə́ rɔ̄kum kə́ ī-taāī tə́ ō gə̄gē ní.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.

Gōsə̄ najə̄ gə̄ 1:5

Nge kum kedə̄ oō anī ənī kum kedə̄ yān dɔ madə̄ tə́ ō, de kə́ nge ger̄ kum najə̄ oō anī a rāā yá̰a̰ kə gosə̄neé njə̄rā kadə̄ gōtə́ ō.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

1 JA̰A̰ 3:19

I loo ń noō tə́ n j-a jə-gerī kadə̄ jḭḭ̄ i yā najə̄ kə́ rɔ̄kum ō, kemjí a tetə kə̄ nang tə́ kə̄ no Nə́ɓā tə́ ō ní.