1 JA̰A̰ 2:2 - Bibəl ta Sar̄

² Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

Bible sar

² Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 JA̰A̰ 2:2 Referans Kwoze

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

JA̰A̰ 4:42

Ba nin̄-ədan̄ dəyá̰ ní na: I tām̄ najə̄ yāí tə́ n jə-taāń kem ngɔlaā toó to̰ aĺ tā, tɔdɔ̄ jḭḭ kɔ́ gə̄ j-oō najə̄ kə́ tan tə́, adə̄ jə-ger̄ kadə̄ ni i nge kajə de kə́ dɔ nang tə́ gə̄ rɔ̄kum.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

JA̰A̰ 12:32

Ba mā, dan ń a əlamə̄n̄ dɔɔ́ oy anī, m-ā m̄-ndɔ́r̄ de gə̄ malang kə̄ rɔ̄ḿ tə́.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

LEBI GƏ̄ 16:10

Ba bal bə̄yā̰ ń wə̄lā kə́ túgə̄ tām̄ yā Ajajel tə́ əhɔ ní, a udənən̄ kə kumuú no Kɔ́ɔ̄ɓē tə́ yā rāā yá̰a̰ kutə̄ dɔ majaĺ dɔn tə́ ō. A aw̄n̄ seneé kem loo kə mángá tə́ yā kadə̄n kə Ajajel ō.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

Najə̄ kə́ Majə yā Jeju ń Luk ndang ní 14:22

Nge kəla ní reē ədan na: Kɔ́ɔ̄ḿ, m̄-rāā yá̰a̰ gə̄ ń ɔ́jəm̄ ní malang, ba na̰y loo kə́ karī gə̄ laā ɓáý.