1 JA̰A̰ 2:17 - Bibəl ta Sar̄

¹⁷ Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

Bible sar

¹⁷ Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

1 JA̰A̰ 2:17 Referans Kwoze

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

1 KORḚNTƏ 7:31

ngé gə̄ ń əngen̄ yá̰a̰ kə ta kūl̄ yá̰á̰ kə́ dɔ nang tə́ laā ní, ndin̄ tītə̄ kə́ əngen̄ yá̰a̰ kə ta kūl̄ yá̰á̰ kə́ dɔ nang tə́ laā aĺ beé ō. Tɔdɔ̄ yá̰á̰ kə́ dɔ nang tə́ laā a mān̄ kɔ̄ɔ́.

1 PIYER 4:2

Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

MARK 3:35

Tɔdɔ̄ náā nəkɔ́ ń rāā yá̰a̰ kə gō kem ndigə yā Nə́ɓā ní anī, ni i ngōkó̰ó̰ḿ kə́ dəngam ō, kə́ dəyá̰ ō, ni i kó̰ó̰ḿ ō.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

1 TESALONIK 4:3

Yá̰á̰ ń Nə́ɓā ndigə ní, i kadə̄ háĺsí i háĺ kə́ unjə̄ njáý njáý ō, i kadə̄ ī-lōōī sāā naā loo kaya tə́ ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

PĀ GƏ̄ 143:10

Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

MATIYE 7:21

I ngé gə̄ ń a ədamə̄n̄ na: Kɔ́ɔ̄ɓē, Kɔ́ɔ̄ɓē! Ní n a udən̄ kem Ɓē ko̰o̰ kə́ dɔ rā̰ tə́ malang ní alé, banī i ngé gə̄ ń a rāān̄ yá̰á̰ ń kem Bɔbə́ḿ kə́ ndi dɔ rā̰ tə́ ndigə ní tá.

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

JA̰A̰ 6:58

Mápá ń ḭḭ dɔ rā̰ tə́ reē dɔ nang tə́ ní n toó. Ni to i tītə̄ máná ń kaasí gə̄ əsan̄ ní alé. Nin̄-əsan̄ mána ba oyn̄ kɔ̄ɔ́. Nge ń əsa mápá ń toō ní, a ndi kə kumneé ngándáńg.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem Ɓē ko̰o̰ yā Nə́ɓā tə́ kété nosí tə́.

1 TESALONIK 5:18

Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə Kərist Jeju ní n noó.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

Gōsə̄ najə̄ gə̄ 10:25

Nél balway mān̄ anī nge kem ndul gətóo kɔ̄ɔ́, banī de kə́ súmūú i ngəra kújə́ kə́ ra ngan̄g.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

PĀ GƏ̄ 90:9

A̰á̰ā̰, ndɔ̄jí gə̄ malang mānə̄n̄ kɔ̄ɔ́ ta kum wōn̄g yāí kə́ ngá̰ý tə́. Ɓāl̄jí gə̄ mānə̄n̄ tītə̄ koō kə́ deē tetə nja kógə̄ḿ beē.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.