1 JA̰A̰ 2:16 - Bibəl ta Sar̄

¹⁶ Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

Bible sar

¹⁶ Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

1 JA̰A̰ 2:16 Referans Kwoze

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

GALATƏ 5:17

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

Gōsə̄ najə̄ gə̄ 27:20

Loo kə́ ɓádá ń i bəlo kə́ bo ní, yá̰á̰ asən alé. Kum deē i yá̰á̰ kə́ yá̰a̰ asən aĺ ō.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

JAKƏ 3:15

Kum kedə̄ ń toō i kum kedə̄ kə́ ḭḭ i dɔɔ́ alé, banī i kum kedə̄ kə dɔ nang tə́ ō, i yā deē ndul ō, yā ndíĺ kə́ majaĺ gə̄ ō.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

PĀ GƏ̄ 78:18

Nin̄ gerə̄n̄ mbak ba nāān̄ Nə́ɓā, dəjenən̄ yá̰a̰ kəsa ń kemdə́ gḛy ní.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

PĀ GƏ̄ 73:6

Yá̰á̰ súū rɔ̄ yādə́ i kɔjə rɔ̄. Yá̰á̰ kə́ rāā kə dɔ́nɔ́ əhɔdə́ ngá̰ý, tītə̄ kūbə̄ kə́ asə rɔ̄də́ rep beé.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

Najə̄ kə́ Majə yā Jeju ń Luk ndang ní 4:5

Diabəl aw̄ seneé dɔ loo kə́ kḭḭ kə̄ dɔɔ́ tə́, ba ɔjən ɓē ko̰o̰ gə̄ malang kə́ dɔ nang tə́ adə̄ a̰a̰də́ gidə kógə̄ḿ,

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

TƏ́DA 11:4

Ndɔ̄ kə́ rang tə́ anī, kósə de gə̄ ké dɔdə́ tɔ́sə̄ naā gə̄ ń ndin̄ dan ngán Israel gə̄ tə́ ní, ngur kəsa dā̰ rāādə́, anī ngurən rāā ngán Israel gə̄ ō, adə̄ tél a ɓarə̄n̄ najə̄ ədan̄ na: I náā n a adə̄jí dā̰ kadə̄ j-əsaī tā.

MATIYE 4:8

Diabəl aw̄ seneé dɔ mbal̄ kógə̄ḿ kə́ ngāl̄ ngá̰ý tə́ ɓáý to̰, ɔjən ɓē ko̰o̰ gə̄ malang kə́ dɔ nang tə́, naā tə́ kə yá̰á̰ kə́ to kɔsə gɔn yādə́ gēé

PĀ GƏ̄ 78:30

Əsan̄ adə̄ tɔ̄l̄ ɓōdə́ aĺ ɓáý, yá̰a̰ kəsa i ngá̰ý kə̄ tadə́ gə̄ tə́ ɓáý n

TƏ́DA 11:34

Əndān̄ rī loo ní na i Kibərot Taaba, kumən na i dɔ ɓádə ngur, tɔdɔ̄ kósə de gə̄ ń ngurən̄ ngá̰ý dan madə̄də́ gə̄ tə́ ní dubə̄n̄də́ i loo ń noō tə́.

Gōsə̄ najə̄ gə̄ 6:25

Ī-ndə̄ngā mandən kemií tə́ alé, ādə̄ dɔ kumən kə́ mɔlyɔ̄ gólī alé.

1 KORḚNTƏ 10:6

Yá̰a̰ gə̄ ń noō ń rāān̄ yá̰á̰ ní, i yā kadə̄ ré jḭḭ̄ j-a̰a̰ī ɓáa kadə̄ ngur yá̰á̰ kə́ majaĺ rāājí tītə̄ yādə́ alé.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.