1 JA̰A̰ 2:15 - Bibəl ta Sar̄

¹⁵ Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

Bible sar

¹⁵ Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

1 JA̰A̰ 2:15 Referans Kwoze

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

Najə̄ kə́ Majə yā Jeju ń Luk ndang ní 16:13

De kə́ nge rāā kəla kə́ kem kújú kə́ asə rāā kəla yā kɔ́ɔ̄n gə̄ jōó gətóo. Ré ni-im̄ kə́ kógə̄ḿ ba táŕ kə́rēý aĺ ɓáa, a əhɔ gō nge kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō naā tə́ mbak alé.

JA̰A̰ 15:19

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

1 JA̰A̰ 4:5

Nin̄ i de kə́ dɔ nang tə́ gə̄, i tām̄ najə̄ ń noō tə́ n nin̄ a ɔrə̄n̄ najə̄ kɔr̄ de kə́ dɔ nang tə́ gə̄, adə̄ de kə́ dɔ nang tə́ gə̄ oōn̄ najə̄ yādə́ ní.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

1 JA̰A̰ 5:10

Deē ń taā kem Ngōn̄ Nə́ɓā anī, najə̄ kə́ kum tə́ ngeé ń toō i kemən tə́. Ba deē ń taā kem Nə́ɓā aĺ ní, rāā Nə́ɓā i nge sor̄ tə́. Tɔdɔ̄ ni-taā kem najə̄ kə́ kum tə́ ń Nə́ɓā əda dɔ Ngōnən tə́ ní alé.

MATIYE 4:8

Diabəl aw̄ seneé dɔ mbal̄ kógə̄ḿ kə́ ngāl̄ ngá̰ý tə́ ɓáý to̰, ɔjən ɓē ko̰o̰ gə̄ malang kə́ dɔ nang tə́, naā tə́ kə yá̰á̰ kə́ to kɔsə gɔn yādə́ gēé

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.