1 JA̰A̰ 2:13 - Bibəl ta Sar̄

¹³ m̄-ndang makətūbə̄ m-ādə̄sí sḭḭ̄ bɔbə̄ ngán gə̄, yā kədańsí na sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní kɔ̄ɔ́.

Bible sar

¹³ m̄-ndang makətūbə̄ m-ādə̄sí sḭḭ̄ bɔbə̄ ngán gə̄, yā kədańsí na sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní kɔ̄ɔ́.

1 JA̰A̰ 2:13 Referans Kwoze

JA̰A̰ 14:7

Ré ī-ger̄mī anī, ā ī-gerī Bɔbə́ḿ ō. Əla gír ngɔr ń toō tə́ ní, sḭḭ̄ ī-gerīin̄ ō, á̰a̰in̄ kɔ̄ɔ́ ō.

1 JA̰A̰ 2:14

Sḭḭ̄ ngánə́ḿ kə́ dūú gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī Bɔbə̄jí. Sḭḭ̄ bɔbə̄ ngán gə̄, m̄-ndang makətūbə̄ ń toō m-ādə̄sí i tām̄ sḭḭ̄ ī-gerī nge ń ndi ta kəla gíŕ yá̰a̰ gə̄ tə́ ní. Sḭḭ̄ balsáa gə̄, m̄-ndang makətūbə̄ m-ādə̄sí i tām̄ tɔ́gə́sí to ō, najə̄ yā Nə́ɓā to kemsí tə́ ō, ī-tetiī de kə́ majaĺ rɔ̄ɔ̄ ō.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

1 JA̰A̰ 3:12

Ba i kadə̄ jə-toī tītə̄ Kain ń ni i deē yā De kə́ Majaĺ adə̄ tɔ̄l̄ ngōkó̰o̰n ní alé. Ba ni-tɔ̄lən i tām̄ rí tə́? I tām̄ kəla rāān i kə́ majaĺ, banī yā ngōkó̰o̰n i kə́ gō tə́.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 JA̰A̰ 2:12

Ngánə́ḿ gə̄, m̄-ndang makətūbə̄ m-ādə̄sí yā kədańsí na majaĺ yāsí gə̄ i kə́ mā̰ȳ rɔ̄ dɔ tə́ kɔ̄ɔ́ kə ta kūl̄ rī Jeju ń ī-taāī kemən ní.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

TITƏ 2:6

Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

JA̰A̰ 8:19

Anī nin̄-ədanən̄ na: Bɔbí i rá? Anī Jeju tél ədadə́ na: Ī-ger̄mī aĺ ō, ī-gerī Bɔbə́ḿ aĺ ō. Ré ī-ger̄mī anī, ā ī-gerī Bɔbə́ḿ ō.

MATIYE 13:38

Ndɔr̄ ní i de kə́ dɔ nang tə́ gə̄ malang. Kum kōō kə́ majə ní i de kə́ kem Ɓē ko̰o̰ tə́ gə̄. Bar̄ ní, i de gə̄ yā ndíĺ kə́ nge ngól̄ loo gə̄.

MATIYE 13:19

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

Gōsə̄ najə̄ gə̄ 20:29

Yá̰á̰ súū rɔ̄ yā balsáa gə̄ i tɔ́gə́də́ ō, kɔsə gɔn yā ɓə́ga gə̄ i nənga dɔdə́ kə́ ndaa ō.

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

1 TIMOTE 5:1

Ī-lōō gɔŕyɔ̄ de kə́ tɔgə ɓə́ga kə ngangāá, ba ɔ̄jən tītə̄ kə́ ni i bɔbí beē. Ɔ̄jə̄ balsáa gə̄ tītə̄ kə́ nin̄ i ngákó̰ó̰í gə̄ ō,

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

PĀ GƏ̄ 148:12

balsáa gə̄ ō mandə gə̄ ō, ɓə́ga gə̄ ō ngán gə̄ ō.

MATIYE 5:37

Ādī ré najə̄ kɔrsí i a̰á̰ā̰ ɓáa i a̰á̰ā̰ ō, ré i a̰ á̰ ɓáa, i a̰ á̰ ō. Najə̄ kə́ rang gə̄ malang ń utə̄n̄ gō ní, teēn̄ i rɔ̄ ndíĺ kə́ nge ngól̄ loo gə̄ tə́.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.