1 JA̰A̰ 2:12 - Bibəl ta Sar̄

¹² Ngánə́ḿ gə̄, m̄-ndang makətūbə̄ m-ādə̄sí yā kədańsí na majaĺ yāsí gə̄ i kə́ mā̰ȳ rɔ̄ dɔ tə́ kɔ̄ɔ́ kə ta kūl̄ rī Jeju ń ī-taāī kemən ní.

Bible sar

¹² Ngánə́ḿ gə̄, m̄-ndang makətūbə̄ m-ādə̄sí yā kədańsí na majaĺ yāsí gə̄ i kə́ mā̰ȳ rɔ̄ dɔ tə́ kɔ̄ɔ́ kə ta kūl̄ rī Jeju ń ī-taāī kemən ní.

1 JA̰A̰ 2:12 Referans Kwoze

KƏLA RĀĀ 10:43

Ngé koō ta gə̄ malang ɔrə̄n̄ najə̄ yān ədan̄ na náā nəkɔ́ ń taā kemən ní mā̰ȳn̄ rɔ̄də́ dɔ majaĺ yān gə̄ tə́ kə ta kūl̄ rīneé.

KƏLA RĀĀ 13:38

Ngákó̰ó̰ḿ gə̄, majə kadə̄ ī-gerī na mā̰ȳ rɔ̄ kə́ dɔ yá̰á̰ kə́ majaĺ gə̄ tə́ ní ədan̄sí najə̄n i kə ta kūl̄ Jejuú. Tá yá̰á̰ kə́ majaĺ gə̄ malang ń ī-rāāī á ndū najə̄ yā Moijə asə kɔr̄sí kɔ̄ɔ́ kum tə́ aĺ ní, náā nəkɔ́ ń taā kem ní kɔ́ɔ̄ teē kum tə́ kɔ̄ɔ́ kə ta kūl̄ Jeju.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

KOLOSƏ 1:14

Nə́ɓā gān̄g dɔjí ō, māȳ rɔ̄n dɔ majaĺ yājí tə́ ō, i kə ta kūl̄ ɓoojí naā kə Ngōnə̄neé.

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

1 JA̰A̰ 1:4

Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

Najə̄ kə́ Majə yā Jeju ń Luk ndang ní 5:20

Dan ń Jeju a̰a̰ taā kem yādə́ anī əda na: Madə́ḿ, yá̰á̰ kə́ majaĺ gə̄ ń ī-rāā ní mā̰ȳn̄ rɔ̄də́ dɔ tə́ kɔ̄ɔ́ kadī.

1 JA̰A̰ 2:21

Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

1 JA̰A̰ 2:7

Kó tár yāḿ gə̄, yá̰á̰ ń m̄-ndang najə̄ kə́ dɔ tə́ m-ādə̄sí ní, i gō míndə́ kə́ kijə alé, banī i kə́ jóo, adə̄ i yá̰á̰ ń sḭḭ̄ ōōī ta kəla gíŕ tə́ ní.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.