1 JA̰A̰ 2:11 - Bibəl ta Sar̄

¹¹ Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

Bible sar

¹¹ Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

1 JA̰A̰ 2:11 Referans Kwoze

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

JEJU TEĒ KUM JA̰A̰ 3:17

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní,

1 JA̰A̰ 1:6

Ré j-ədaī na jə-rāāī kem kógə̄ḿ seneé, ba jə-njə̄rāī kum til tə́ anī, jə-sorī i mbée, adə̄ jə-rāāī yá̰á̰ kə́ rɔ̄kum alé.

1 JA̰A̰ 2:9

Deē ń əda na n-ndi na i kum loo kə́ unjə̄ kow tə́, ba im̄ ngōkó̰o̰n ní, ni i kum til tə́ ɓáý.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

2 KORḚNTƏ 3:14

Banī nin̄-asən̄ ger̄ kum najə̄ alé. Adə̄ bátə́ ɓōólaā gə̄gē ní, ré a tə́dan̄ makətūbə̄ madə̄ naā kə́ jóo anī, kūbə̄ kə́ kógə̄ḿ beē nəkɔ́ ń toō i kə́ seĺ ta kumdə́ tə́ ɓáý. I de kə́ nin̄-ɓoon̄ naā kə Kərist ngóy n kūbə̄ ngeé ń toō a gətóo kɔ̄ɔ́ ta kumən tə́ ní.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

2 SAMUEL 13:22

Absalom əda ngōkó̰o̰n Amnon najə̄ to̰ alé. Ni-əhɔn kemən tə́ najə̄ ɓīī ń ɓīī kə ngōkó̰o̰n Tamar ní tə́.

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

2 PIYER 1:9

Ba deē ń a nal̄ háĺ kə́ majə gə̄ ngeé ń toō ní, ni i de kə́ nge kum tɔ̄ɔ̄ kə́ a mám̄ i loo. Dɔn ndígə̄nal dɔ kɔr̄ ń ɔrə̄n̄ majaĺ yān kə́ jóo gə̄ kɔ̄ɔ́ ní tə́.

1 JA̰A̰ 2:10

Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

1 JA̰A̰ 3:15

Tá náā nəkɔ́ ń im̄ ngōkó̰o̰n ní, ni i nge tɔ̄l̄ deē. Ba ī-gerī kadə̄ nge tɔ̄l̄ deē i deē ń ndi kə kumuú kə́ ngándáńg gətóo kemən tə́ ní.

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?