1 JA̰A̰ 2:10 - Bibəl ta Sar̄

¹⁰ Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

Bible sar

¹⁰ Deē ń tár ngōkó̰o̰n ní ndi i kum loo kə́ unjə̄ kow tə́, adə̄ yá̰á̰ kə́ tītə̄ bə̄dē kə́ kadə̄ əga deē kadə̄ əsō gətóo kemən tə́.

1 JA̰A̰ 2:10 Referans Kwoze

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

JA̰A̰ 8:31

Jeju ɔr̄ najə̄ kə Jipə gə̄ ń taān̄ kemən ní, ədadə́ na: Ré ī-ngɔ̄mī najə̄ yāḿ anī, sḭḭ̄ i ngé ndóō yá̰a̰ yāḿ kə́ rɔ̄kum gə̄.

MATIYE 18:7

Rɔ̄ ndoō i kə de kə́ dɔ nang tə́ gə̄ tām̄ rāā ń nin̄-rāān̄ madə̄də́ gə̄ adə̄ tə́sōn̄ kum majaĺ tə́ ní. I gáŕ kadə̄ ngé rāā de gə̄ beé ndin̄ dan madə̄də́ gə̄ tə́ ɓá tā, ba rɔ̄ ndoō i yā deē ń a rāā yá̰a̰ adə̄ yá̰á̰ kə́ beé rāań yá̰á̰ ní.

MATIYE 13:21

ba əya̰n̄ najə̄ ní adə̄ əla ngəran kemdə́ tə́ alé. Ndigən̄ najə̄ ní ndin̄neé kum i ngá̰ý alé. Loo ń wur kɔl əsō dɔdə́ tə́, aláa rāān̄də́ ndoō tə́ tām̄ yā najə̄ tə́ anī, nin̄-lōn̄ gír taā kem najə̄ ní tə́ kɔ̄ɔ́.

PILIPƏ 1:10

kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

PĀ GƏ̄ 119:165

Ngé gə̄ ń ndū najə̄ yāí nel̄də́ ngá̰ý ní, ī-sɔl̄ kemdə́ ngá̰ý, yá̰á̰ kógə̄ḿ kə́ əgadə́ bə̄dē tə́ gətóo.

JA̰A̰ 11:9

Jeju tél ədadə́ na: Ndɔ̄ kógə̄ḿ i kum mbang kutə gidə i jōó aĺ a? Ré deē njə̄rā kadaá anī, bə̄dē a əgan alé, tɔdɔ̄ ni-a̰a̰ loo kə́ unjə̄ kow kə́ dɔ nang ń toō tə́.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

1 JA̰A̰ 2:11

Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.