1 JA̰A̰ 2:1 - Bibəl ta Sar̄

¹ Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

Bible sar

¹ Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju *Kərist ń i de kə́ nge rāā yá̰á̰ kə́ gō tə́ ní.

1 JA̰A̰ 2:1 Referans Kwoze

1 TIMOTE 2:5

Tɔdɔ̄ Nə́ɓā i kal kógə̄ḿ beē ō, nge ra mbənā Nə́ɓā tə́ kə de gēé i kal kógə̄ḿ beē ō. Deē ní i Kərist Jeju.

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

1 JA̰A̰ 3:18

Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

JA̰A̰ 8:11

Dəyá̰ ní tél ədan na: Kɔ́ɔ̄ɓē, deē gətóo. Anī Jeju ədan na: Mā m̄-gān̄g sarya dɔí tə́ aĺ ō, āw̄, ba ī-rāā yá̰á̰ kə́ majaĺ to̰ alé.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

EPEJƏ 2:18

Tɔdɔ̄ jḭḭ̄ malang, Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ Ndíĺ kə́ Táĺ.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

EJEKIEL 3:21

Ba ré ī-tāā de kə́ gōtə́ ní kadə̄ rāā yá̰á̰ kə́ majaĺ alé ō, ni-lōō gírí ō anī, ni a ndi kə kumneé sɔɔ̄ń tāā ń ī-tāān ní ō, ḭ̄ ā ájə rɔ̄í ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

EPEJƏ 4:26

Ré wōn̄g rāāsí anī, ī-lōōī rāā majaĺ, ādī mbang udə dɔ wōn̄g yāsí tə́ alé.

GALATƏ 4:19

Ngánə́ḿ kə́ dūú gə̄, tápə̄ ń m-ə́ngé ní, i tītə̄ yā dəyá̰ ń rāā loo kojə ngōn̄ ní, bátə́ kadə̄ Kərist əndāń rɔ̄n kemsí tə́.

JA̰A̰ 10:15

tītə̄ ń Bɔbə́ḿ ger̄məń ō, mā m̄-gerə̄ń Bɔbə́ḿ ō ní. Adə̄ m-óy tām̄ yā batə̄ yāḿ gə̄ tə́.

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

1 PIYER 2:22

Ni-rāā yá̰á̰ kógə̄ḿ kə́ majaĺ aĺ ō, deē oō najə̄ kə́ to gól̄ loo sḛ́ý tan tə́ aĺ ō.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

JA̰A̰ 5:14

Gō tə́ anī Jeju tél əngen kem kújə yā Kɔ́ɔ̄ɓē tə́, ba ədan na: Rɔ̄í ngáā kɔ̄ɔ́ tā, ba ī-lōō rāā yá̰á̰ kə́ majaĺ to̰, na sōgə́ yá̰á̰ kə́ tōr̄ ngá̰ý tɔȳ nge ń noō rāāī ɓáý to̰.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

PĀ GƏ̄ 4:4

Yá̰á̰ ń kadə̄ ī-gerī ní n toó: Kɔ́ɔ̄ɓē ɔr̄ kam̄ deē yān tayā, dan ń m̄-ɓārə́n kadə̄ dḭḭ̄m̄ anī ni ndigəm̄.

1 JA̰A̰ 5:21

Ngánə́ḿ kə́ dūú gə̄, ī-ngɔ̄mī rɔ̄sí najə̄ yā ɓesə̄ gə̄ tə́.

JAKƏ 3:9

J-ɔriī ta nge ń i Kɔ́ɔ̄ɓē ō, Bɔbə̄jí ō ní seneé ō, jə-ndɔ̄líī de gə̄ ń Nə́ɓā rāādə́ adə̄ teēnən̄ ní i seneé ō.

Makətūbə̄ ń Pol ndang adə̄ Rom gə̄ ní 6:15

Kumən na i rí? Kə jə-rāāī yá̰á̰ kə́ majaĺ tām̄ ndi ń jə-ndiī gír ndū najə̄ tə́ to̰ alé, banī i gír rajə yā Nə́ɓā tə́ ní a? I tītə̄ ń noō alé.

JA̰A̰ 13:33

Ngánə́ḿ kə́ dūú gə̄, m-ā m̄-ndi sesí i sḛ́ý beē ngóy. Ā ī-sāāmī, ba tītə̄ ń m-ə́da Jipə gə̄ kété ní, m-ə́dásí ngɔlaā ń toō ō: Sḭḭ̄ ásiī kugə̄ loo ń m-ā m-āw̄ kə̄ tū tə́ ní alé.

1 TIMOTE 3:14

m̄-ndang yá̰a̰ gə̄ ń toō m-ādī, ɓá tā ba m̄-gír̄ kaw̄ gōí tə́ ngɔr.

JA̰A̰ 21:5

Jeju ədadə́ na: Balsáa gə̄, ə́hɔī kānjə̄ sḛ́ý a? Nin̄-tél ədanən̄ na kānjə̄ gətóo.

JA̰A̰ 14:16

ba mā m-ā m̄-dəje Bɔbə́ḿ kadə̄ adə̄sí nge rāā sesí kə́ rang ń i Ndíl najə̄ kə́ rɔ̄kum ní, kadə̄ ndi sesí ngándáńg.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

1 JA̰A̰ 5:17

Yá̰á̰ kə́ gō tə́ aĺ gə̄ malang i majaĺ, ba i majaĺ malang n a əla deē ta yo tə́ ní alé.

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.