1 JA̰A̰ 1:8 - Bibəl ta Sar̄

⁸ Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.

Bible sar

⁸ Ré j-ədaī na majaĺ yājí na gətóo anī, jə-gólī i rɔ̄jí jḭḭ̄ kɔ́ gə̄, adə̄ najə̄ kə́ rɔ̄kum gətóo kemjí tə́.

1 JA̰A̰ 1:8 Referans Kwoze

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

1 JA̰A̰ 2:4

Deē ń əda na n-gerə̄n, banī rāā yá̰a̰ kə gō míndəneé aĺ ní, i de kə́ nge sor̄, adə̄ najə̄ kə́ rɔ̄kum gətóo kemən tə́.

1 JA̰A̰ 1:10

Ré j-ədaī na jə-rāāī majaĺ aĺ anī, j-ɔsiī i Nə́ɓā sor̄, adə̄ najə̄ yān gətóo kemjí tə́.

Gōsə̄ najə̄ gə̄ 20:9

I náā n asə kəda na n-tə́go ngarā̰ kemən adə̄ unjə̄ njáý njáý ō, na majaĺ yān kógə̄ḿ gə̄gē na gətóo ō ní?

Makətūbə̄ yā Job 15:14

Deē ndul i rí kə́ ngá̰ý á rāā tītə̄ kə́ ni i de kə́ unjə̄ njáý njáý ní? Deē ń i dəyá̰ n ojən ní i rí á əda na ni na i de kə́ gōtə́ ní?

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

1 MBAN̄G GƏ̄ 8:46

Ré ngán Israel gə̄ rāān̄ majaĺ seí, tɔdɔ̄ de kə́ rāā majaĺ aĺ gətóo, adə̄ wōn̄g rāāī sedə́ ba ə́ládə́ kem jī madə̄ ba̰ā̰də́ gə̄ tə́, adə̄ tetən̄də́ rɔ̄ɔ̄ ba əhɔn̄də́ aw̄n̄ sedə́ ɓəlo tə́ dɔ nang yādə́ tə́ loo kə́ sa̰y tə́, aké i loo kə́ ngɔr tə́,

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

2 YÁ̰A̰ GƏ̄ 6:36

Ré nin̄ a rāān̄ yá̰á̰ kə́ majaĺ seí - tɔdɔ̄ deē ndul kə́ rāā yá̰á̰ kə́ majaĺ aĺ gətóo - adə̄ wōn̄g rāāī sedə́ ba ə́ládə́ kem jī madə̄ ba̰ā̰də́ gə̄ tə́ adə̄ tetən̄də́ rɔ̄ɔ̄ ba əhɔn̄də́ aw̄n̄ sedə́ ɓəloó dɔ nang kə́ sa̰y tə́, aláa i loo kə́ ngɔr tə́,

2 JA̰A̰ 1:2

Tām̄ najə̄ kə́ rɔ̄kum ndi kemjí tə́ ō, a ndi sejí ngándáńg ō.

1 JA̰A̰ 1:6

Ré j-ədaī na jə-rāāī kem kógə̄ḿ seneé, ba jə-njə̄rāī kum til tə́ anī, jə-sorī i mbée, adə̄ jə-rāāī yá̰á̰ kə́ rɔ̄kum alé.

JAKƏ 1:22

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

Makətūbə̄ yā Job 9:2

Rɔ̄kum, m̄-ger̄ kadə̄ to i tītə̄ ń noō. Loo kadə̄ najə̄ yā deē i gōtə́ banī yā Nə́ɓā i gōtə́ aĺ ní i ba̰ý?

3 JA̰A̰ 1:3

Ngákó̰ó̰jí gə̄ ń reēn̄ ní ədan̄ na ḭ̄ na ī-ra dɔ najə̄ kə́ rɔ̄kum tə́ ō, na yá̰a̰ rāāí na i yá̰á̰ kə́ rɔ̄kum ō, adə̄ dan ń m-ōō ní nelə̄m̄ ngá̰ý.

2 PIYER 2:13

Yá̰á̰ kə́ tōr̄ ń a rāādə́ ní, a əndānəń i njadə́ tām̄ yā yá̰á̰ kə́ gōtə́ aĺ ń nin̄-rāān̄ tə́ ní. Nin̄-əngen̄ rɔ̄nel̄ yādə́ loo rāā yá̰á̰ kə́ majaĺ gə̄ ń ngurən i kemdə́ tə́ ní. Dan ń nin̄-əsan̄ yá̰a̰ yāsí gə̄ sesí ō, rɔ̄nel̄ yādə́ i gól̄ loo ō ní, ndidə́ nin̄ sesí ta yá̰a̰ kəsa tə́ i yá̰á̰ kə́ to rɔ̄sɔl̄ ō, i yá̰á̰ kə́ to wōn̄g ngá̰ý ō.

JEREMI 2:35

Ḭ̄ ə́da na: Mā i kanjə̄ najə̄ dɔḿ tə́, wōn̄g yān a rāān dɔḿ tə́ to̰ alé. Banī mā m-ā m̄-rāā sarya kə́ gōtə́ seí, tɔdɔ̄ ḭ̄ ə́da na: m̄-rāā majaĺ alé.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

Makətūbə̄ ń Pol ndang adə̄ Rom gə̄ ní 3:10

Tɔdɔ̄ ndangən̄ kem makətūbūú na: De kə́ súmūú gətóo, kal kógə̄ḿ lélék gə̄gē gətóo.

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

LEBI GƏ̄ 13:12

Ba ré yá̰a̰ teē rɔ̄ deē ní taā rɔ̄n malang, əla gír jam dɔn tə́ bátə́ ugə̄ń da njan tə́ anī,

2 MBAN̄G 20:15

Ijai dəjen ɓáý to̰ na ké yá̰á̰ ń a̰a̰n̄ kem kújə yān tə́ ní ké i rí wa. Anī Ejekias tél ədan na a̰a̰n̄ yá̰a̰ malang kə́ kem kújə yān tə́. Yá̰a̰ kənge yān kə́ n-ɔjədə́ aĺ na gətóo.