1 JA̰A̰ 1:7 - Bibəl ta Sar̄

⁷ Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

Bible sar

⁷ Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

1 JA̰A̰ 1:7 Referans Kwoze

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

Makətūbə̄ ń Pol ndang adə̄ Rom gə̄ ní 13:12

Dan ndɔ̄ tɔȳ kɔ̄ɔ́, adə̄ loo a rāā yā tīī ngɔr. Ní, ādə̄ j-əya̰ī kəla kə́ tilií gə̄ kɔ̄ɔ́, ba j-ɔyī yá̰a̰ rɔ̄ɔ̄ kə́ yā rɔ̄ɔ̄ń kum loo kə́ unjə̄ kow tə́ gə̄ jə-tə́laī rɔ̄jí tə́.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

1 JA̰A̰ 1:5

Ba najə̄ ń j-oō tan tə́ ō, j-ədasí kadə̄ sḭḭ̄ ī-gerī ō ní n toó: Nə́ɓā i loo kə́ unjə̄ kow, ba loo kə́ risə til gətóo kemən tə́.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

1 JA̰A̰ 5:6

I Jeju Kərist n reē kə ta kūl̄ man̄ ō, mósə ō ní. Reē i kə ta kūl̄ man̄ ngóy alé, banī i kə ta kūl̄ man̄ ō mósə ō. Tá i Ndíĺ kə́ Táĺ n i nge kəda najə̄ kə́ kum tə́ dɔn tə́ ní, tɔdɔ̄ Ndíĺ kə́ Táĺ i najə̄ kə́ rɔ̄kum.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

PĀ GƏ̄ 56:13

Nə́ɓā, yá̰á̰ ń m-ə̄nī ndūḿ kadə̄ m-ādī ní, kə̄rān i dɔḿ tə́. M-ā m̄-ndējī yá̰a̰ tun̄ gə̄ kə́ yā ɓōkíīneé tɔ̄ȳ.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

IJAI 2:5

Kojə gə̄ yā Jakob, ɔ̄rī dɔɔ́! Jə-njə̄raī kum loo kə́ unjə̄ kow yā Kɔ́ɔ̄ɓē tə́!

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

1 JA̰A̰ 5:8

I Ndíl ō, man̄ ō, mósə ō. Nin̄ mətá mbak ní, najə̄ kɔr̄də́ i gō naā tə́.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

2 JA̰A̰ 1:4

Dan ń m-á̰á̰ ngání gə̄ loo njə̄rā tə́ gō najə̄ kə́ rɔ̄kum tə́ tītə̄ ń Bɔbə̄ Ngōn̄ ədańjí kadə̄ jə-rāāī ní, rɔ̄ḿ nelə̄m̄ ngá̰ý.

AMOS 3:3

De kə́ dəngam gə̄ jōó njə̄rān̄ naā tə́ kanjə̄ kadə̄ nin̄ oōn̄ naā dɔ tə́ a?

PĀ GƏ̄ 51:2

I dan ń ni sāā Batəseba nə̄yá̰ Uri ō Natan nge koō ta aw̄ rɔ̄n tə́ ō ní.

IJAI 6:7

Ni ɔdə taḿ kə yā̰l̄ hor ní ba ədam̄ na: Dan ń yā̰l̄ hor ń toō ɔdə taí ní, ɔrə̄n̄ yá̰a̰ rāāí kə́ gōtə́ aĺ kɔ̄ɔ́, mā̰ȳn̄ rɔ̄də́ dɔ majaĺ yāí tə́ kɔ̄ɔ́.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

JA̰A̰ 5:4

Tɔdɔ̄ de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.