1 JA̰A̰ 1:4 - Bibəl ta Sar̄

⁴ Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

Bible sar

⁴ Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

1 JA̰A̰ 1:4 Referans Kwoze

JA̰A̰ 15:11

M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

2 JA̰A̰ 1:12

Yá̰a̰ gə̄ i ngá̰ý kadə̄ m̄-ndang najə̄ kə́ dɔ tə́ m-ādə̄sí. Mā m̄-gḛy ndang kem makətūbūú ō, kə man̄ ndang makətūbə̄ ō alé. Ba m-ə̄ndā kemḿ dɔ kaw̄ loosí tə́, kadə̄ m-āw̄ m-ɔ̄r̄ najə̄ ní sesí kə taḿ, tá yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá mámák.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.