1 JA̰A̰ 1:2 - Bibəl ta Sar̄

² Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

Bible sar

² Ba ndi kə kumuú ní ɔjə rɔ̄n kə̄ ndágá adə̄ j-a̰ā̰ kə kumjí ō, j-əda najə̄ kə́ dɔ tə́ ō, ndi kə kumuú kə́ ngándáńg ń kété ndi i rɔ̄ Bɔbə̄n tə́, ba teē hɔy kə̄ rɔ̄jí tə́ ní, j-ədasí najə̄ kə́ dɔ tə́.

1 JA̰A̰ 1:2 Referans Kwoze

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 1:4

Ndi kə kumuú i tū Najə̄ tə́, ba ndi kə kumuú ní i loo kə́ unjə̄ kow yā de gə̄.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

1 JA̰A̰ 5:11

Najə̄ kə́ kum tə́ ní n toó: Nə́ɓā adə̄jí ndi kə kumuú kə́ ngándáńg, ba ndi kə kumuú ngeé ń toō ní i kem Ngōnən tə́.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

JA̰A̰ 15:27

Gō tə́ anī sḭḭ̄ ā ə́daī najə̄ kə́ kum tə́ yāḿ ō, tɔdɔ̄ sḭḭ̄ i seḿ ta kəla gíŕ tə́ bátə́ ngɔlaā.

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

KƏLA RĀĀ 10:41

I ngán Israel gə̄ malang n kadə̄ a̰a̰nən̄ ní alé, ba i jḭḭ ń Nə́ɓā gə̄rājí kété kadə̄ jḭḭ i de kə́ kum tə́ yān gə̄ ní, adə̄ i jḭḭ ń j-əsa seneé ō, j-a̰ȳ seneé ō gō ndóĺ ń ni-ndól dan de kə́ koy gə̄ tə́ ní.

KƏLA RĀĀ 5:32

Yá̰á̰ gə̄ ń noō ń rāān̄ yá̰á̰ ní jḭḭ i de kə́ kum tə́ gə̄ ō, i jḭḭ ō Ndíĺ kə́ Táĺ ń Nə́ɓā adə̄ ngé koō tan gə̄ ní ō.

KƏLA RĀĀ 2:32

Jeju ngeé ń toō oy ba Nə́ɓā ndólə̄n, adə̄ jḭḭ̄ malang i de kə́ kum tə́ gə̄.

KƏLA RĀĀ 1:22

Nin̄-əlan̄ gír i dan ń Ja̰a̰ rāań Jeju batém tə́ ní mbóńg ndɔ̄ ń unən̄neé Jeju ta kaw̄ kə̄ dɔ rā̰ tə́ ní. Adə̄ majə kadə̄ deē kógə̄ḿ dandə́ tə́ ərōjí tə́, kadə̄ ni i de kə́ kum tə́ sejí dɔ najə̄ koyn tə́ ō ndólə̄n tə́ ō.

JA̰A̰ 21:14

Jeju əla gír teē hɔy kə̄ rɔ̄ ngé ndóō yá̰a̰ gə̄ tə́ i ndɔ̄ ń ni ndóləń dan de kə́ koy gə̄ tə́ ní, nge ń toō i nja kə́ nge ko̰ mətá.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 8:38

M-ə́dásí i yá̰á̰ ń m-á̰a̰ rɔ̄ Bɔbə́ḿ tə́ ní, ba sḭḭ̄ ī-rāāī i yá̰á̰ ń ōōī ta bɔbə̄sí tə́ ní.

JA̰A̰ 7:29

ba mā m̄-gerə̄n. Tɔdɔ̄ m-ḭ́ḭ i rɔ̄n tə́ ō, i nəkɔ́ n əlam̄ ní ō.

JA̰A̰ 3:13

Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

JA̰A̰ 19:35

Deē ń ənī gotə yá̰a̰ gə̄ ń toō ní, a̰a̰də́ kə kumneé, adə̄ yá̰á̰ ń ni-əda ní i yá̰á̰ kə́ rɔ̄kum. Nəkɔ́ ger̄ kadə̄ ni-əda i najə̄ kə́ rɔ̄kum, yā kadə̄ sḭḭ̄ ī-taāī kem ō.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

1 JA̰A̰ 4:2

Yá̰á̰ ń ā ī-gerīneé Ndíĺ Nə́ɓā ní n toó: Ndíĺ ń əda na Jeju Kərist na reē i kə́ deē tə́ ní, ḭḭ i rɔ̄ Nə́ɓā tə́.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

1 JA̰A̰ 5:13

m̄-ndang najə̄ gə̄ ń toō makətūbūú m-ādə̄sí sḭḭ̄ ń ī-taāī kem ngōn̄ Nə́ɓā ní, kadə̄ ī-gerīneé na sḭḭ̄ ə́ngeī ndi kə kumuú kə́ ngándáńg kɔ̄ɔ́.