1 JA̰A̰ 1:1 - Bibəl ta Sar̄

¹ Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

Bible sar

¹ Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

1 JA̰A̰ 1:1 Referans Kwoze

JA̰A̰ 20:27

Gō tə́ anī ni-tél əda Toma na: Əla ta ngōn̄ jīí kə̄ laā ō, á̰a̰ jīḿ gə̄ ō. Ī-reē kə jīí kə̄ kété laā ə́la kadəḿ tə́. Ī-lōō gír taā kem aĺ tə́ ba ī-taā kem.

KƏLA RĀĀ 4:20

Jḭḭ tā anī yá̰á̰ ń j-a̰ā̰ ō, j-oō ō ní, j-asə kɔgə̄ rɔ̄jí kəda alé.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

Najə̄ kə́ Majə yā Jeju ń Luk ndang ní 24:39

Á̰a̰ī jīḿ gə̄ kə njaḿ gə̄. I mā nəkɔ́ n m̄-ra toó. Ɔ́dəmī, á̰a̰ī tɔdɔ̄ ndíl aw̄ kə dā̰ rɔ̄neé ō, kə kə̄ngāneé ō tītə̄ ń mā m-āwń toō alé.

JA̰A̰ 8:58

Jeju tél ədadə́ na: Ādə̄ m-ə́dásí najə̄ kə́ bo ngá̰ý, kété tá kadə̄ ojən̄ Abəraham ní, Mā i Mā ń m̄-ndi noó ní kɔ̄ɔ́.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

JA̰A̰ 19:35

Deē ń ənī gotə yá̰a̰ gə̄ ń toō ní, a̰a̰də́ kə kumneé, adə̄ yá̰á̰ ń ni-əda ní i yá̰á̰ kə́ rɔ̄kum. Nəkɔ́ ger̄ kadə̄ ni-əda i najə̄ kə́ rɔ̄kum, yā kadə̄ sḭḭ̄ ī-taāī kem ō.

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

JEJU TEĒ KUM JA̰A̰ 19:13

Kūbə̄ ń əlan̄ rɔ̄n tə́ dɔ madə̄ gə̄ tə́ ní, i kə́ kəla kum mósə́ tə́ ō, rīn na i Najə̄ yā Nə́ɓā ō.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

Najə̄ kə́ Majə yā Jeju ń Luk ndang ní 1:2

Ndangən̄ i kə gō ń ngé ka̰a̰ kə kumdə́ gə̄ ənīn̄neé gotə adə̄n̄jí ní. Ngé ka̰a̰ kə kumdə́ gə̄ ní télən̄ i ngé kɔjə najə̄ kə́ bo gə̄ yā Nə́ɓā.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

IJAI 41:4

Yá̰a̰ malang ń noō ní i náā n rāā? I nge ń ta kəla gíŕ tə́ ni i nge rāā kadə̄ yá̰a̰ gə̄ rāān̄ yá̰á̰ ní. I mā Kɔ́ɔ̄ɓē. Mā i nge kə́ kété ō, m-ā m̄-ndi Kɔ́ɔ̄ɓē bátə́ ta tɔ̄l̄ ta tə́ ō.

1 JA̰A̰ 5:7

Tɔdɔ̄ ngé kəda najə̄ kə́ kum tə́ gə̄ i mətá:

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.