Yuda 1:21 - Samburu

²¹ Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

Yuda 1:21 Referans Kwoze

1 Yoana 4:16

Naaku ikiteyieloutua inia chaman naata Nkai te iyioo nikitipika siligi lang atua inia chaman. Kore Nkai naa nchaman. Naa kore pooki owuon taatua nchaman, newuon Nkai taatua ninye.

2 Petero 3:12

iyanyutata inia parri e Nkai, ninyoknyok aaitesieku meyeu. Kore kenya inia mparri naa keidakieki chumata te nkima, nechola lapa o ndama o lakir epejori.

Lburania 9:28

keitaaki sii Kristo lasar nkata nabo ake payie etum aawa ng'ok ee ltung'ana pooki. Kelotu aitoki nkata e are, namara payie eya ng'ok kake payie eitejeu lolo oaanyuta ninye.

Mbolunoto 12:11

Netimira ꞉ninche ninye to lodo lo Lkuo leker o te limunoto naipirita Yeso. Neitu abaki echamu nkichoni enche metaa keturia eri metuata.

2 Ltesalonike 3:5

Meteteoki Laitoriani ltauja linchi meteyielo nchaman e Nkai o ng'iriata e Kristo.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Yoana 14:21

Kore loata nkitanapat ainien neibung, ninye laacham. Naa kore laacham, nechamu ꞉Papa lai, nachamu sii nanu ninye naibalakinyie koon.>>

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Rroman 8:39

namara te keper lakir tanaa tokop, namara nkae toki naitibiruaki naidim atoorie iyioo nchaman e Nkai inia natii atua Kristo Yeso Laitoriani lang.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

Rroman 5:5

Nemeitukurru iyioo ilo siligi, amu eichoo iyioo Nkai Ltau Sinyati, laa ninye otubukoka nchaman e Nkai ltauja lang.

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,

1 Yoana 5:21

Nakera ainien, errita ate taa nkaitok e sapare.

2 Timoti 1:18

Meichoo ꞉Laitoriani ninye metumo lng'ur ta Laitoriani, kenya te inia parri. Naa iyielo iyie nowua reteto naatereto ꞉ninye te lkerenket le Epeso.

Yoana 1:17

Amu kore Nkitanapat naa keichorua Nkai aimunyie Musa, kake kore munyani o ndedei neimunyie Yeso Kristo.

1 Timoti 1:2

Kaairoroki iyie Timoti nkerai ai nadede taatua nkurukoto. Metaa munyani o lng'ur o seriani naing'uaa Nkai Papa o Kristo Yeso Laitoriani lang, tenebo o iyie.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Lkorinto 13:14

Metaa munyani e Laitoriani lang Yeso Kristo o nchaman e Nkai Papa o nchula e Ltau Sinyati tenebo o ntae pooki.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Yuda 1:22

Naa entoduaa lng'er lolo oata lng'ach,