Yuda 1:16 - Samburu

¹⁶ Kore kulo tung'ana naa kecham aaing'unyung'unya nemeitoki naitiemu, neirukurukore ng'uarrat enche torrok, neikarrie ate, neitemelok nkutukie payie etum inia nayieu.

Yuda 1:16 Referans Kwoze

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

2 Petero 2:10

Naa keiteme ꞉Nkai oleng lolo tung'ana torrok oopuoyie mpukunoto torno e ltung'ani eirukurukore ng'uarrat naayau mutai, nemen Laitoriani. Kore kulo tung'ana naa meitoki eurie, mbaa enche ake eparraa nemeurie abaki edek lolo oaata nkitoo te chumata.

Lpilipi 2:14

Entaas ntoki pooki miatata long'unyung'unyi o nchankar,

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

1 Lkorinto 10:10

Eming'unyung'uny aitoki ana nataasa lbata lenche, near ilo malaika omutucho metuata.

Yuda 1:18

Amu ketiakita ntae, <>

2 Petero 3:3

Kore nalang pooki enteyielo nchere, kepuku ltung'ana oikordodicho tee mperot e nkiting'oto. Naa kore ninche keirukurukore ng'uarrat enche aaikordodicho

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

Yuda 1:15

paa kore pooki ng'ae nedung'oki nkiguana, nemeatae ltung'ani torno lemeiteyielo ꞉ninye ntorrok pooki naataasa meurie Nkai. Neiteyielo aitoki lolo aing'okok torrok nenia baa torrok nairoro aarie ninye.>>

1 Petero 1:14

Kore tankaraki nirara nkera e Nkai naaning'icho, emirubare naapa ng'uarrat inchi torrok nirukurukorere apa ewuon miyielolo ninye.

Lgalatia 5:16

Kake kajoki ntae, enchom erikoo ntae Ltau Sinyati, naa mintabayaya kenyaake nayieu mpukunoto inchi torno.

Yoana 6:61

Kore amu keyielo apa Yeso ta ltau lenye ajo keing'unyung'unyuta looiteng'eni lenyena tankaraki inia, nejoki ninche, <

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

1 Ltesalonike 4:5

namara too ng'uarrat torrok tana neiko lkulie ochon lemeiyielo Nkai.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Yoana 6:41

Kore inia kata neng'asu larikok loo Lyiaudi aaing'unyung'uny tankaraki ninye, amu ketejo, <>

Luka 19:7

Kore payie edol pooki ana, neing'unyung'uny aajo, <>

Luka 15:2

Neing'unyung'uny Lparisayo o laiteng'enak loo nkitanapat aajo, <>

Luka 5:30

Neing'unyung'unyaki Lparisayo o laiteng'enak loo nkitanapat looiteng'eni lenyena aajoki, <>