Yoana 9:14 - Samburu

¹⁴ Kore inia parri apa naitibira Yeso mparpar, nebol nkonyek e ilo tung'ani modooni metodolicho, naa mparri e Sabato.

Yoana 9:14 Referans Kwoze

Yoana 5:9

Neichiu ilo tung'ani nabokata, nerrapu lchoni lenye, nelo. Kore mparri nataase ana, naa ta Sabato.

Yoana 5:16

Naa kore tankaraki nataasa Yeso ana ta mparri e Sabato, neng'asu ꞉Lyiaudi aitar ninye kusaka.

Luka 14:1

Kore apa Sabato nabo payie elotu Yeso nkaji anya ndaa o lkitok obo loo Lparisayo, newueni Lparisayo aaleen ninye.

Marko 2:23

Kore mparri nabo e Sabato, neim Yeso o looiteng'eni lenyena atua lchampa le nkano, kore eimita ninche atua ilo champa, neng'asu looiteng'eni aagilu nkuechi ee lperes le nkano.

Yoana 9:6

Kore payie eidip atejo nejia, nenataki nkamilak nkop, neitibir mparpar tee nenia amlak neelie nkonyek e ilo tung'ani.

Yoana 9:13

Nerikokini ilo tung'ani apa modooni Lparisayo.