Yoana 6:39 - Samburu

³⁹ Naa kore nayieu ꞉ilo lairriwua nanu naa payie maiminie lolo laichoo ꞉ninye, kake payie aitipiu te inia parri e nkiting'oto.

Yoana 6:39 Referans Kwoze

Yoana 17:12

Kore apa ewuon atii nanu tenebo o ninche natirripo ninche taatua nkarna ino, inia arna nikinchoo. Katirripo ninche, nemeatae hoo lobo oimina mara ake ilo tung'ani ogelakino nkiminata, payie ebaya lkigerot.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 18:9

Ketaase apa ana payie ebaya laduo rereii otejo, <>

Yoana 6:54

Kore pooki ng'ae oanya sesen lai, nemat lodo lai naa keata nkichon nemeiting, naa kaitipiu ninye ta mparri e nkiting'oto.

Yoana 6:44

Meatae ltung'ani oidim ayeu natii nanu mara ake ilo oyietu ꞉Papa lairriwua, naa kaitipiu nanu ninye te inia parri e nkiting'oto.

Yoana 6:37

Kore lolo pooki laaicho ꞉Papa, naa kepuonu natii. Naa kore pooki ng'ae olotu natii, mamiraa aikata.

Yuda 1:1

Kore ana palai naa keing'uaa Yuda, laisiaayiani le Yeso Kristo oara sii lalache le Yakobo. Kairoroki lolo ooipoto, oaatachama ꞉Nkai Papa, neirritita ꞉Yeso Kristo.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Luka 12:32

<

Matayo 18:14

Nejia naa etiu ta Papa linchi oti chumata, meyieu neimin hoo nabo ee kuna kunini.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

Yoana 12:48

Kore ilo laany nanu namaang'amaa, naa keata lodung'oki ninye nkiguana, ilo rerei lairoro odung'oki ninye nkiguana ta mparri e nkiting'oto!

2 Timoti 2:19

Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <> naa <>

Yoana 5:28

Naa eming'asia tankaraki ana, amu kelotu kenya nkata naa kore lolo pooki otii atua nkuraren nening ltoilo lenye neipung'u.

Matayo 10:15

Kajoki ntae sipata nadede, kore kenya te inia parri e nkiguana, keikachieki nkop e Sodom o Gomora aaitalang ilo kerenket.

Yoana 17:2

ana ninchoo ninye meitoria ltung'ana pooki, payie etum aichoo lolo pooki linchoo nkichon nemeiting.

Yoana 17:6

Kaiteyielo lolo likinchoo to nkop nkarna ino. Kore ninche naa linono apa, nikinchoo ninche, neibung'a rerei lino.

Yoana 17:9

Kaamonoki ninche, mara taa nkop aomonoki, kake lolo likinchoo amu linono.

Yoana 17:24

<

1 Lkorinto 6:14

Keitipiwua ꞉Nkai ninye aaitung'aa lootuata naa keitipiu sii iyioo to ngolon enye.

Yakobo 5:15

Naa kore nkomono enche natoomono to nkurukoto, neichiunyie ilo tamoyiai, neinyoyie ꞉Laitoriani ninye. Naa kore tanaa ketaasa ng'oki, nepalikini.