Yoana 5:27 - Samburu

²⁷ Neichoo ninye nkitoria nadung'ie nkiguana amu Nkerai e Ltung'ani ninye.

Yoana 5:27 Referans Kwoze

Asat 10:42

Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata.

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

Yoana 5:22

Amu meatae ltung'ani odung'oki ꞉Papa nkiguana, kake ketipika nkitoria pooki e ndung'oto e nkiguana nkaina e Nkerai enye,

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

1 Lkorinto 15:25

Amu meata ajo meitore Kristo ana metimira Nkai lmang'ati pooki neicho meidacha murto.

Matayo 9:6

Kake kore payie iyielouu aajo keata Nkerai e Ltung'ani nkitoria to nkop napalikinyie ng'ok>> - nejoki taa ilo tung'ani otigilgile - <>

Yoana 9:39

Nejoki ꞉Yeso, <>

Lburania 1:2

kake kore taata too kuna perot e siedi, naa /keirorie iyioo Nkai te Nkerai enye. Netegelua ꞉Nkai ninye metaa ntokitin pooki nenyena, naa te ninye sii apa eitibirua nkop.