Yoana 3:6 - Samburu

⁶ Kore loiu ꞉ltung'ani naa le sesen, naa kore loiu ꞉Ltau Sinyati naa la Ltau.

Yoana 3:6 Referans Kwoze

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

1 Yoana 3:9

Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai.

1 Lkorinto 6:17

Kake kore ltung'ani oibung'are Laitoriani neaku ntoki nabo o ninye ta Ltau Sinyati.

Rroman 7:18

Amu kayielo ajo meata ntoki supat naatii atua nanu. Kore payie ajoito ana, naa mpukunoto torno e ltung'ani aimakita, amu ketii atua nanu yieuna naasie inia supat kake maidim ataasa.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

Lkolosae 2:11

Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

Yoana 1:13

Ketiiwuaki ninche metaa nkera e Nkai, kake mara te ichoi e ltung'ani. Namara sii te yieunoto ee ltung'ana etiiwuaki ninche tanaa sii ne lee, kake Nkai makoon natiiwua ninche.

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

Rroman 7:25

Karrinyoki Nkai nache naa ninye koon naas inia aimu Yeso Kristo Laitoriani lang. Naaku kore naa naidipie, kore nanu koon taa mparrunot ainien, naa nkitanapata e Nkai aisiaaita, kake kore te sesen lai naisiaita nkitanapat ee ng'ok.

Yoana 3:7

Ming'asia naa tankaraki naatiaka, meata hooyia payie meini ntae nkata e are.