Yoana 3:36 - Samburu

³⁶ Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Yoana 3:36 Referans Kwoze

Yoana 5:24

<

Yoana 1:12

Kake kore pooki oang'amaa neiruk ninye, neicho metaa nkera e Nkai.

1 Ltesalonike 5:9

Amu eitu egelu iyioo Nkai payie emut iyioo ngoro enye, kake payie kitum njeunoto naimu Laitoriani lang Yeso Kristo,

Epeso 5:6

Emincho hoo esap ntae ltung'ani tee rereii oorok, amu tankaraki ee mbaa naijo kuna etum ꞉ngoro e Nkai ltung'ana lemening'icho.

Rroman 5:9

Kore naa tankaraki naitaaki iyioo taata loosipat to lodo lenye, kebaa sa eitoki aitejeu iyioo to ngoro e Nkai?

Yoana 8:51

Kajoki ntae sipata nadede, kore pooki ng'ae oibung rerei lai nemeichamcham aikata lkiye.>>

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 3:3

Newoliki ꞉Yeso ajoki, <>

Mbolunoto 21:8

Kake kore ltung'ana gureti o lemeiruk o looitarroitie ate aas asat torrok o loaar ltung'ana metuata o lolo ooboitiere lkulie tung'ana te sesen lamara lpayiani tanaa sii ntomonok enche o lairupok o loaasai nkaitok e sapare o loaasapicho, naa kenang'akini atua lbalbal le nkima napejieki ntoki naji salpa naa ele taa lkiye le oare.>>

1 Ltesalonike 1:10

niwuenini aanyu Nkerai enye naing'uaa chumata, ilo oitipiwua ꞉ninye too lootuata, Yeso olaku iyioo te inia goro nalotu e Nkai.

Lgalatia 3:10

Amu kore lolo pooki oisilig asat ee nkitanapat, ketii taabori ldeket, amu keigero ajo, <>

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Luka 3:6

nedol ltung'ana pooki njeunoto e Nkai.>>

Lburania 10:29

Entaparrai naa ja newua wochoto naichiaakino ltung'ani lemeyanyit Nkerai e Nkai, newa ilo odo lo lning'o oitisinya ninye metaa ntoki namara sinyati, netediaa Ltau Sinyati oicho iyioo munyani e Nkai.

Lburania 2:3

kaji kipokie iyioo tinikintololoki ana jeunoto nawuenyi natilimua apa Laitoriani, neitisipaki aitoki iyioo ꞉lolo ootining'o apa Laitoriani tee nkiyiaa enche?

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Luka 2:30

Amu kore nkonyek ainien, naa ketodua ilo literewua meitejeu iyioo,

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>

Marko 16:16

Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

Yoana 4:36

Kore abaki taata, ketumuto loodung'uto lchampa laata, ebosuta lng'anayio le nkichon ee ntarasi, metaa kore ilo oun o ilo odung lchampa neng'ida tenebo.

Yoana 6:58

Kore ndaa natodowua eing'uaa chumata, naa metuwuana ninye napa daa natama lmakui linchi, neitoki ake aaye. Kore loanya ana daa naa keichu ntarasi.>>

Asat 14:2

Kake kore lolo Lyiaudi oaatanya eiruk, neinyoyie loreren meibaii looiruko Yeso.

Lburania 3:18

Naa oo ng'ae apa eitaka Nkai lekutuk nchere mejing katukul atua nkiyeng'iyeng'ata enye? Mara apake lolo oaatanya ening ninye?

Lburania 3:19

Naaku ikidol naa aajo eitu eidim ninche aatum nkiyeng'iyeng'ata enye tankaraki nemeata nkurukoto.