Yoana 3:18 - Samburu

¹⁸ Kore pooki ng'ae oiruk ninye nemedung'okini nkiguana torno, kake kore pooki ng'ae lemeiruk neidipaki aatudung'oki nkiguana torno, tankaraki neitu eiruk inia Kerai ake nabo inoti e Nkai.

Yoana 3:18 Referans Kwoze

1 Yoana 5:10

Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye.

Marko 16:16

Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Yoana 5:24

<

1 Yoana 5:12

Kore loata Nkerai neata nkichon, naa kore lemeata inia Kerai e Nkai nemeata inia kichon.

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Rroman 5:1

Naaku kore tankaraki naitaaki iyioo loosipat to nkurukoto, ikiata sotua o Nkai teinia nataasa Laitoriani lang Yeso Kristo.

1 Yoana 4:9

Naa nchi eikuna Nkai payie eitodolu nchaman enye tee iyioo, nchere eirriwua inia Kerai enye nabo ake naino, meeu nkop payie eaku ninye kinchiwue.

Rroman 8:34

Ng'ae odung'oki iyioo nkiguana torno? Meatae! Ketanang'a iyioo Kristo Yeso, naa mara ake inia, kake ninye sii eitipiwuaki too lootuata. Ninye owuenita ta nkaina e tetene e Nkai, naa ninye sii ilo oomonokita iyioo.

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Lburania 2:3

kaji kipokie iyioo tinikintololoki ana jeunoto nawuenyi natilimua apa Laitoriani, neitisipaki aitoki iyioo ꞉lolo ootining'o apa Laitoriani tee nkiyiaa enche?

Lburania 12:25

Entodol naa ake emiany ilo oirorita amu tanaa eitu eim aras e kumojik ꞉lolo oaatanya ening Nkai eirorie to nkop, meata naa sii nikinko iyioo tinikilany ninye, tinikiany kining ltoilo lenye oing'uaa chumata.

Yoana 1:12

Kake kore pooki oang'amaa neiruk ninye, neicho metaa nkera e Nkai.

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Lburania 3:19

Naaku ikidol naa aajo eitu eidim ninche aatum nkiyeng'iyeng'ata enye tankaraki nemeata nkurukoto.

1 Yoana 3:23

Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo.