Yoana 3:15 - Samburu

¹⁵ paa kore pooki ng'ae oiruk ninye netum nkichon ee ntarasi.>>

Yoana 3:15 Referans Kwoze

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

1 Yoana 5:1

Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye.

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Yoana 6:47

Kajoki ntae sipata nadede, kore ilo oiruk naa keata nkichon nemeiting.

Yoana 1:12

Kake kore pooki oang'amaa neiruk ninye, neicho metaa nkera e Nkai.

Yoana 5:24

<

Luka 19:10

Amu kore Nkerai e ltung'ani, naa keyewuo ayiaya neitejeu looimina.>>

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.

Lburania 10:39

Kake mikira iyioo lolo ooiwuatuwuata aarrinyo siedi, kake ikiata nkurukoto naa ikitum nkichui ee ntarasi neiteng'elakaki iyioo.

Asat 8:36

Kore eibung'uta ninche nkoitiei aapuo netum nkare, nejoki ꞉ilo kitok Pilipo, <>

Marko 16:16

Kore loiruk naa keipatisi, neitejeuni. Naa kore ilo lemeiruk, nedung'okini nkiguana torno.

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

2 Lkorinto 4:3

Amu kore tanaa keisudoro Lomon Supati likilikoo, naa too lolo ooidaaya eisudoro.

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

Rroman 5:21

metaa kore ana neikuna ng'ok payie eng'asu aaitoricho neyau lkiye, neitoricho sii munyani to nkoitiei e sipata nayau nkichon ee ntarasi aimu Yeso Kristo Laitoriani lang.

Asat 13:41

>>

Matayo 18:10

Entodol emimen nabo ee kuna kunini. Amu kajoki ntae nchere, kore lmalaikani lenche naa kedol nkata pooki nkomom e Papa lai oti chumata.

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>