Yoana 2:13 - Samburu

¹³ Kore payie enyiku nkata e ntasim e Pasaka, nelo Yeso lochi kerenket oji Yerusalem.

Yoana 2:13 Referans Kwoze

Luka 2:41

Kore apa ntoiwuo e Yeso, naa kepuo ng'amata nabo ta lari Yerusalem aanya ntasim e Pasaka.

Yoana 11:55

Netinyikua inia kata ntasim e Pasaka, naaku kore ewuon eng'or nkata, nepuo ltung'ana kumo Yerusalem aaitorropil ate payie eaku keichiaakino inia tasim.

Yoana 2:23

Kore ake ewuon etii Yeso Yerusalem te inia kata e ntasim e Pasaka, neiruk ꞉lkumo ninye tankaraki natoduaa asat e nking'asia naataasa naaitodolu nkitoo enye.

Yoana 6:4

Kore apa inia kata naa ketinyikua ntasim ee Lyiaudi naji Pasaka.

Yoana 5:1

Kore tesiedi ana, nelo Yeso Yerusalem tankaraki ntasim nabo ee Lyiaudi.

Matayo 21:12

Nejing Yeso atua nkaji e Nkai, nemiraa lolo pooki apa oomiricho o looinyiang'icho. Neuroki nkop misaii ee lolo ooibelekeny ropiyiani o lorikan loo lolo oomirita nkutukurruki.

Marko 11:15

Nebaki ꞉ninche Yerusalem, naa kore pee ejing Yeso atua boo e nkaji e Nkai, neng'asu amiraa lolo oomiricho o looinyiang'icho meeipung'o te inie. Neuroki nkop misaii ee lolo apa ooibelekeny ropiyiani o lorikan loo lolo apa oomirita nkutukurruki,

Luka 19:45

Kore payie ejing ꞉Yeso nkaji e Nkai, neng'asu amiraa ltung'ana oomiricho

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.