Yoana 17:8 - Samburu

⁸ Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 17:8 Referans Kwoze

Yoana 17:14

Kaichoo ninche rerei lino, neibayie ꞉nkop ninche tankaraki namara lena nkop, ana namara nanu lena nkop.

Yoana 15:15

Merokure ajo ntae laisiaayiak, amu kore laisiaayiani naa meyielo neasita lkitok lenye. Kake katejo ntae sotuatin amu kore ntoki pooki natining'o ta Papa naa katilika apa ntae.

Yoana 16:30

Kore taata, ikiteyieloutua aajo iyielo iyie mbaa pooki, nemeata tipat payie kimparichiereki. Kore tankaraki inia, ikiruko aajo Nkai ing'uaa.>>

Yoana 16:27

amu Papa koon oacham ntae, tankaraki nikitachama nanu, nikiruko sii ajo Nkai aing'uaa.

1 Ltesalonike 2:13

Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Yoana 8:42

Nejoki ꞉Yeso, <

Yoana 14:10

Miiruk dei iyie ajo katii nanu atua Papa, netii Papa atua nanu? Kore rereii lajokita ntae, mairo makoon, kake Papa laatii atua oasita asat enyena.

Yoana 12:49

Amu eitu airo rereii lainien makoon, kake Papa laairriwua naa ninye laaitanapa inia najo o nairo.

Yoana 6:68

Newoliki ꞉Simon Petero ajoki, <

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Lkorinto 15:1

Kore taata lalachera o nkanachera ainien, kayieu naitaparru ntae Lomon Supati latilika apa ntae, lolo litang'amaitie nirukutoto nisiligitata sii.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:18

Kore ana nikirriwua nanu nkop, airruaayie sii nanu ninche nkop.

Matayo 13:11

Newoliki ꞉Yeso ninche ajoki, <

1 Lkorinto 11:23

Kore inia natang'amayie ta Laitoriani naa ninye aitarasaka ntae, nchere kore Laitoriani Yeso te inia kuarie natilikorieki, nerrapu mukate

Yoana 3:33

Naa kore pooki ong'amaa inia limunoto, neiken ajo kesipa Nkai.

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Mbolunoto 1:1

Ana eitoduaa ꞉Nkai Yeso Kristo, aicho meeiteyielo laisiaayiak o nkaisiaayiak enyena inia naa meata ajo measai ta nkata nataana. Neirruaaya ꞉Kristo lmalaika lenye, aiteyielo laisiaayiani lenye oji Yoana ilo kilikuai.