Yoana 17:23 - Samburu

²³ ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

Yoana 17:23 Referans Kwoze

Yoana 16:27

amu Papa koon oacham ntae, tankaraki nikitachama nanu, nikiruko sii ajo Nkai aing'uaa.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

Yoana 13:35

Kore tinichamama, neyielou ltung'ana pooki inia kata aajo irara looiteng'eni lainien.>>

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Lkolosae 3:14

Entoponiki kuna pooki nchaman, naa ninye naen ntoki pooki tanaboicho katukul.

Yoana 17:26

Kaiteyielo ninche nkarna ino, naa kaitoki ake alo kue aiteyielo, paa kore nchaman nikitachama, newuon taatua ninche, nawoun sii nanu taatua ninche.>>

Yoana 17:24

<

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

Yoana 14:23

Newoliki ꞉Yeso ajoki, <

Yoana 14:10

Miiruk dei iyie ajo katii nanu atua Papa, netii Papa atua nanu? Kore rereii lajokita ntae, mairo makoon, kake Papa laatii atua oasita asat enyena.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lpilipi 3:15

Kore iyioo pooki ootubulutua, neichiaakino nikiata mparrunoto natiu neja. Kake tenetii lbata linchi oodolita napaachere ana, naaku keibalakinyie ntae Nkai ajo nejia ake etiu.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

1 Yoana 4:19

Ikichamicho amu ninye apa oatachama iyioo tekue.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Yoana 10:38

Naa tanaa kaasita, abaki tanaa mikirukuruk nanu, eruko nenia asat payie eyielouu, nining'ung'u aajo ketii Papa atua nanu, natii nanu atua Papa.>>

Yoana 15:9

Kore ana naatachama nanu Papa, nejia sii etiu nchaman ai taa ntae. Entewueni naa taatua nchaman ai.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

Yoana 17:8

Kore rereii likinchoo, naa kaichoo nanu ninche, neng'amaa, neyielou katukul aajo iyie aing'uaa neiruk sii aajo iyie likirriwua.

Yoana 17:11

Merekure awuon tana kop, kake ewuon ake etii ninche nkop, naa kalotuta nitii. Papa Sinyati, tirripo ninche taatua nkarna ino, inia arna nikinchoo, payie etum ninche aataa nabo ana payie kira iyioo nabo.

Mbolunoto 3:9

Ng'ura, kore lbata loo lolo le sinagogi e Chitani, lolo oojo kera lgelunot le Nkai namara, kake kesapicho ake, kareu meotu aairrigokino nkejek inchi. Naa kepuo aayielou aajo kacham ntae.