Yoana 17:2 - Samburu

² ana ninchoo ninye meitoria ltung'ana pooki, payie etum aichoo lolo pooki linchoo nkichon nemeiting.

Yoana 17:2 Referans Kwoze

Yoana 6:39

Naa kore nayieu ꞉ilo lairriwua nanu naa payie maiminie lolo laichoo ꞉ninye, kake payie aitipiu te inia parri e nkiting'oto.

Yoana 6:37

Kore lolo pooki laaicho ꞉Papa, naa kepuonu natii. Naa kore pooki ng'ae olotu natii, mamiraa aikata.

Yoana 17:24

<

Matayo 28:18

Nelotu Yeso anyikaki ninche, nejoki, <

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

Yoana 17:9

Kaamonoki ninche, mara taa nkop aomonoki, kake lolo likinchoo amu linono.

Yoana 17:6

Kaiteyielo lolo likinchoo to nkop nkarna ino. Kore ninche naa linono apa, nikinchoo ninche, neibung'a rerei lino.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Yoana 3:35

Naa kore Papa, kecham inia Nkerai enye. Netipika ntoki pooki taabori nkitoria enye.

1 Yoana 2:25

Naa kore lekutuk oitaka ninye iyioo naa ele: nkichon ee ntarasi.

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

Lburania 1:2

kake kore taata too kuna perot e siedi, naa /keirorie iyioo Nkai te Nkerai enye. Netegelua ꞉Nkai ninye metaa ntokitin pooki nenyena, naa te ninye sii apa eitibirua nkop.

Matayo 11:27

Kaaitarasaka Papa lai ntoki pooki, apik nkaina. Meatae hoo ꞉loyielo Nkerai mara Papa ake, nemeata sii ꞉loyielo Papa mara lolo oaatachama ꞉Nkerai aibalakinyie.

Yuda 1:21

Entewueni taatua nchaman e Nkai, iyanyutata lng'ur la Laitoriani lang Yeso Kristo meitabaki ntae nkichon ee ntarasi.

1 Yoana 1:2

Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

Lpilipi 2:10

paa kore ta nkarna e Yeso, negil kung pooki ng'ae o pooki toki te chumata o to nkop o te nemeneng'a.

Epeso 1:20

nataasichiere ninye te Kristo inia kata apa payie eitipiu ninye too lootuata, neicho metowuana ta nkaina enye e tetene te chumata,

1 Lkorinto 15:25

Amu meata ajo meitore Kristo ana metimira Nkai lmang'ati pooki neicho meidacha murto.

Rroman 6:23

Amu kore laata ee ng'ok naa lkiye, kake kore nkichooroto e pecheu e Nkai naa nkichon ee ntarasi taatua Kristo Yeso Laitoriani lang.

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Matayo 25:46

Naa kepuo ninche meitemei ntarasi, kake kore loosipat nepuo atua nkichon ee ntarasi.>>