Yoana 16:3 - Samburu

³ Kore lolo tung'ana naa keas nejia amu meyielo Papa, namaayielo sii nanu.

Yoana 16:3 Referans Kwoze

Yoana 15:21

Kake keitaas ninche ntae nenia pooki tankaraki nirara lainien, amu meyielo ꞉ninche ilo laairriwua.

Yoana 17:25

Papa loosipat, kore abaki mikiyielo iyie nkop, kaayielo nanu, neyielo sii kulo aajo ikirriwua.

2 Ltesalonike 1:8

neiteme lolo lemeiyielo Nkai o lemening Lomon Supati la Laitoriani lang Yeso. Keasai ana te nkima nailu.

Yoana 8:55

Miyielolo ninye kake kayielo nanu. Naa tanaa kajo mayielo, naaku lasapani atuwuana ntae. Kake kayielo ninye, naibung rerei lenye.

Yoana 8:19

Neipar ꞉ninche Yeso aajoki, <> Nejoki ꞉Yeso, <>

1 Yoana 4:8

Kore pooki lemechamicho naa meyielo Nkai, amu kore Nkai naa nchaman.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.

1 Lkorinto 2:8

Meatae hoo loaata nkitoo tana kop oteyielo inia ng'eno, amu tanaa apa keteyielto anata apa eitu eche Laitoriani openy nkisisa to lmusalaba.

Yoana 15:23

Kore laaiba nanu, keiba abaki Papa.

Luka 10:22

Kaaitarasaka Papa lai, ntoki pooki apik nkaina ino. Meatae hoo loyielo ajo ng'ae Nkerai mara Papa ake, nemeatae sii loyielo ajo ng'ae Papa mara Nkerai ake, o ilo oyieu ꞉Nkerai neibalakinyie.

1 Timoti 1:13

Kore abaki ara apa nanu ꞉ltung'ani odek Kristo, naitam nkanisa enye sina nara ltung'ani oricho, kake kaaing'urrieki nanu amu kataasa nenia pooki mayielo, namaata nkurukoto.

Asat 3:17

<

1 Yoana 2:23

Kore loany Nkerai naa meata abaki Papa, kore loibalunyie Nkerai naa keata sii Papa.